2004 日本北海道四角之行 之 十六

雖然仲有幾個第一次應該要寫，不過我懶．．．擺下擺下．．．到宜家重未寫。

希望慢ｄ補返啦！

2004 日本北海道四角之行 之 十五

續上回

雪又再下大了一些，在一分丫處我就停左落黎，望一望．．．．左邊往上走，右邊平路前行 (你估我向左走，定向右走呢．．．．．)

我當時無意識的往左邊走，因那邊的雪好平滑，完全沒有人的足跡，小路是上斜的。

上斜，上斜，再上斜！那邊的雪原來已經堆積得很深，每走一步，腳就下陷於雪中，可以去到小腿，可以去到膝蓋。好不容易冼冼陷陷又再行到一分丫處，我今次應該又向左走，定向右走呢?!

本能的我再次向左走，當我踏出第一步，就在我轉出路口之際，回頭向右邊一看，嘩~~~~~~~~ 我看見大大話話竟然有成十多隻野生梅花鹿在我身外十五尺左右既位置站立著。

我當時第一個反應問自己，點解會有鹿既?! 我去左邊樹呀???? 回過神來，我見機不可失，即時放下相機袋，正想拔出我的小黑來拍拍拍。可惜當我稍有陏動，那一大群野生梅花鹿就會高度地提高警覺，轉身想逃跑。

我深怕牠們走佬去也，令我錯失機會，我即時停止一切的活動，傻傻的原地罰企。當那群野生梅花鹿漸漸地習慣我呢件怪物時，我就有小小的動作作為回禮，例如同佢地揮揮手輕聲say hello，又或試圖走近多一步。

在試探的過程中我發現原來大家對對方都好有好感！哈哈哈．．． 係興趣至真～～～呵呵呵，都未必，應該話係好奇心先岩。

我只知我這邊每發出小聲音，那邊的梅花鹿就會探頭過來，有些比較年幼既還會膽戰心驚行近我呢邊八一八。

情景好有趣，我陏時成班梅花鹿就伸直個頭，望我呢處再加樹起晒耳仔；而且體態，眼神及表情完全一致，timing岩岩好。

我又發現呢班野生梅花鹿會出現既原因原來係佢地正在一個小活泉喝水，(鬼咩，四周唔係雪就係冰，真係搵滴水都難呀。好在呢個小活泉係出溫泉水既，所以呢班野生梅花鹿先會聚集在一起tea time)。

我原地吃西北風雪差不多成八九個字都唔肯走，因為真係難能可貴，雖然冷得我騰騰震，但我仍然覺得值得。拍攝了大部份鏡頭，我就同班鹿仔say goodbay呀。

回程走不出多步，我發覺有個小坡可以比我爬上去，當然高處拍也另有一番風味，於是去馬爬爬爬。不過踏出第一步我就知難度極高了，點解？！咪隻腳及半個身藏左入雪law。

第一步係0禁，第二步都係0禁，差不多吋步難移，好在我不退縮，用盡九牛二虎之力都誓要去，入刀山～～～(死火，去左唱K tim，等等。等我爬返隻船返黎先)。

點知去到山坡頂先知d樹枝加雪霜係遮蔽晒個景既，所以無工而回。不過都有一兩張特別的相可以拍出來，算係bouns啦。

當我回程時，我係呢個時候先見到一個路標寫住 “大雪山國立公園”。啊!!!! 原來我入左國立公園，唔怪得知出現梅花鹿啦。跟著我又去左0個處既資料博物館，無野做麻，咪去睇下野law，0個時先睇到原來北海道唔係好多地方會出現野生梅花鹿，而且全國好似得返三百幾隻，係大雪山國立公園就有百多隻，見唔見到佢地真係講運氣。好在我傻間間亂禁行又比我遇見炸！　：）

2004 日本北海道四角之行 之 十四

第六個第一次

6　第一次碰見野生動物　–　 唔係黑熊，係就一定返唔到黎哪，想知係乜，繼續睇下文啦^^。

話說8c9由綱走坐完JR到摩周跟著等巴士入阿寒，由於交通轉接，去到阿寒都已經下午成三時多，當然快快手搵返間住宿checkin啦。

冬日的北海道在各地方的入夜時間有些少差異，有時四時開始天黑，五點黑齊，有時又五點多才開始入黑。真係一日未去到目的地都唔知0個處既日照可以有幾長。

初到貴境，我當然趁有光就出去走走兼影下相啦。阿寒湖觀光的地區不太，都是一兩條大街就已經覆蓋你所想去的主要地方。我從旅館出來(在大街尾)，沿著大街的走呀走，見到小店就會入內逛逛順道shopping，唔知係咪唔係未到雪祭時期及旅遊旺季，真係十室九空，好多商店都無開門，而遊人重只得小貓幾隻，所以window shopping的機會係史無前例的巨大。

有時見到有鋪頭，我一入去就全店只招呼我一個，我又唔係一定會買野，所以有時都覺得好尷尬。後來當我睇左一兩間，見d貨品也是差不多，我就索性站在門口望兩望就算了，Shopping不成，跟著我就向著阿寒湖進發。

書上介紹過冬天既阿寒湖上可以玩雪上電單車又或冰上釣魚，我對前者有興趣多些，此時此刻有機會一嚐，我當然唔會錯過啦。

在街上地面全是積雪，有厚有薄，我怕再次pk，所以都小心翼翼的向著湖的方向前進。飄雪慢慢從天上掉下來，一點一滴的好可愛，雖然寒冷，但好有冬日既氣氛。

行了約二三分鐘，你會發覺成身就像加了一層白色的小被肩般，假若不即時處理它，再行多十多分鐘，你自自然然就會變成一個會識行又識走的雪人。所以我每走一般路，跟手都會拍拍外衣，將d雪掃走。

行行重行行，來到阿寒湖時，雪下得更大，望著前方的去路就似加了一層filter，什麼景物也是矇矇的。呢個時候阿寒湖已經結了一層厚厚既冰，冰上有好多一支一支的棍類物體，不過我唔知係乜，而雪地上既電單車及租比人釣魚的帳篷就一一欠缺。

我有些少失望，無d刺激的玩兒給我玩玩，而且四周冷冷清清的了無生氣，我只見有二三隻天鵝及水鴨在近岸的湖邊游然自得的暢泳。想多留一點時間在這裡也不願，於是我漫無目的的繼續向前行。

2004 日本北海道四角之行 之 十三

滑雪外傳：

老實講，呢個救星真係幾好樣0架，又有小小怕羞，而且都幾細心。點解？！

話說同佢第三次上山之前，我塊面比D風雪打得好涷又好痛；我時不時都整理件衫條領來避避風頭，不過都係寒風入肉。終於在第三次坐吊船時，才有時間再弄一弄，張條頸巾包面又包頸，衫領抽高來擋風。

佢見我做呢個動作都FEEL到我涷啦，所以佢就．．．．．．．．(嘿嘿嘿．．．你地諗左去邊？)問我係咪覺得冷，我話有小小啦。救星再問：『個身又涷唔涷呀? 』我著得成糉禁就當然唔涷啦。跟著佢再問我D手指有無涷到硬晒唔旭得？我手需冷，但仍可以活動自如，所以回答OK la。

坐吊船上到山後，他帶我沿小路滑行不久，來到一小木屋前停下來，並示意我除下滑雪用具放於門外，然後入屋去。我又諗：『入屋去．．．入屋去．．．一男一女入屋有乜做呀？我黎學滑雪，唔係企一晚喎？！而且孤男寡女共處一空．．．可能真有損失！』於是我當然原地站立唔旭， 無乜反應啦。

救星見狀，就領先前行走上樓梯入屋去；佢行左半路回頭見我猶疑，就話放心啦，OK無問題0架。我一拐一拐行上樓梯，心中疑惑屋中會有D乜，而之後又會發生D乜。

在去到門邊之際，救星徐徐開門，我在他背後閃頭閃手既移頭向內望過去，只感到一股暖流撲面而來。再望真D．．．． 啊～～～～～ 原來呢間小屋係一間小餐廳，可以比D滑雪過客休息一會。

救星同我入屋後，同我一齊坐在大火爐旁邊，叫我伸手出黎除左隻手套取暖取暖。在席間，終於輪到我出擊向佢發動攻勢哪，我當然飛禽大咬佢啦。呵呵呵(精彩時間開始～～～)， 我唔洗用美色，就套到佢向我表明心跡．．．．． ?!?!?!?! （係咪好好奇呢．．．．．哈哈哈．．．．．）

我左問問，右問問，問晒佢D私人資料 (估唔到佢全部都肯答)，又八埋佢全家先收手；本來想CHAT多幾句，不過當時有一大班初中學生入黎取暖，我同班學生嫻談一會之後，全程坐左約十多分鐘就出門繼續練習滑雪去。

2004 日本北海道四角之行 之 十二

滑雪後記

如果有心想學滑雪既朋友，我建議學private course會比較好，雖然貴一兩倍，但係你既進度會比呀sir掌握得到，而且會學得多d野；不然一班人學，各有長短，但時間不會增加，呀sir無時間教少左野係自己的損失。好在我呢次有得有失，加埋d永世不忘的經歷，好好玩，所以我會發奮再學，唔再做長腳蟹。　：ｐ

2004 日本北海道四角之行 之 十一

續回上

點知．．．今次坐隻吊船上到最頂，唔知乜原因先前所行的滑道封閉了，要走另外一邊。唔係化．．．我未試過呢邊既滑道，都唔知邊段打邊段係中級，邊段打邊段係低級，如果入錯滑道去左高級既就真係要碌落去。

唉．．．前路汒汒，後無去路，真係唯有頂硬上，落山去。風雪大力大力打在我臉上，使四周視野矇矓，天又黑黑，開左燈都唔係照得好光，滑道又不明朗化，真係波折重重。我只好挑戰自己，但係一出閘就已經好難滑，唔好話滑，直情寸步難行，蟹式橫行都好冼，冼去邊．．．咪高級滑道個邊law。

我真係有心無力，就算慢慢un返過去，都徒勞無功，但係冼既速度比橫行既速度較快，因此漸入困境。說時遲，那時快，救星竟然在我面前出現，佢見到我都知有乜事發生，就自動自覺過黎拉返我入正途，但去到正途都係暗斜，我平衡及滑得唔好，好多時都偏離滑道，因此佢再教多兩招比過我，當我回到先前最初所滑過既滑道時，救星就示意我自行handling下去，我揮一揮手，沿著滑道下山歸家去．．．．．．

2004 日本北海道四角之行 之 十

續上回

不經不覺，下午上課既時間又到哪，我又回到先前既山上集合點，班乞衣又準時出現wor。但我發覺下午只得我呢個老外講翻文，因此又比返救星教我。哈哈哈，無其他學生一齊上課，我真係一人獨佔救星。無死羅，嘿嘿嘿．．．(女色狼出現喇！當然唔係啦)　：ｐ　我只係諗今次重唔係私人教授。

救星帶我下山去，去返上午時既練習地方，但去到目的地都唔停低，繼續向下走．．．向下走．．．平地黎喎，攪乜鬼呀？！

行呀行，行呀行。0下．．． 前面所見既野．．．令我目定口呆．．．心諗，唔係化．．．佢未停低，我就開口問先：『呀sir，你係咪帶我上山呀？』救星答：『係呀，應該係時候上山綀習呀…』我心諗：『上山，上山．．． 上山要搭吊船架。重有去無回，一上就會去到山頂，你唔係講笑呀?!?!?!? 』

救星帶我到吊船counter，跟著我羅出我張coupon就換左張pass，“doo”一聲就過埋閘坐上吊船去。係隻吊船上，我十分忐忑不安，好驚呀～～～～去山頂喎，好高0架，重好斜tim。點攪呢?! 坐左成十五至二十分鐘的吊船，才到達山頂。

一落吊船，就開始我既滑雪忙命之旅。我當時只知條路好斜，斜到一直向下冼，速度奇快無比，真係收制都收唔切。好幾次都係救星超速向前，走到我面前來低身按著我塊滑雪板以使其停定。老實講，我魂魄都未定就真。

試下試下開始有小小技巧控制得到，但都不太順暢。最後在一極斜之處失去平衡倒下來 (因救星呢次救不了我 >_<)。我如一隻長腳蟹般插入雪中，動彈不得。好鬼可憐 @_@，而且手腳屈得好痛，掉下雪時隻腳好似屈得斷左落黎，嚇得我死死下。好驚隻腳borken，斷左就超級大獲。

我經此一戰，以後下斜時都用急殺post來減速，漸漸地平衡及速度都可控制。救星帶著我上山落山三次左右時間就到，跟著話我畢得業就自行回office。我見天未黑，身未累，個pass仲用得。我就膽粗粗自已上山去自行綀習。

第一回，無乜問題，第二回，天開始黑，但都ok，可惜去到一處我收制不及，差d飛出範圍 (落差約五米)，我唯有急殺，可能真係太急，我又自行插入雪中，呢次又係手腳繞曲，我連舉手出來拍板制都用唔到力，死唔死！當時我心諗，希望有好心人黎拉我一把。但等左一陣，有人經過都無人救我。最後，我見有一乞衣停在不遠處，左望右望，以為我有同伴，望多兩眼，佢就跟著走過黎幫我拍鞋制，等我重獲生天。

之後我如常滑回起點，不過呢個時間雪越落越大，涷得我個口冰硬無比，而且個天又黑左一層，我本來就此收手，但睇在個pass份上，回去又未有飯食，無乜世藝，最後我都決定滑多次訓練一下自己．．．．

2004 日本北海道四角之行 之 九

續上回

首先，救星教我地點樣在雪地上著鞋，不過唔知係咪有人理解能力差，著成十五分鐘都未著得到。當全隊著好鞋，救星就教我地如何在雪地上橫行；真係一不離二，二不離三，理解唔到個d就成日都原地踏步。

當學得識時，又再過左成二十分鐘。再來救星教我地如何滑行，不過呢班港客(六件queen)就全部都有恐懼症，練習多幾次就有四個有進步。可惜有兩個都好唔掂，唔係娃娃大叫就完全唔明救星講乜，我唯為翻譯及示範一次。點知．．． 真係可能資質問題，成日一起身就跌，再加無膽嘗試，因此進步不多。試左半個鐘，救星先攪得掂佢地各人。

再來就學停，由於我是一睇就明，因此我就先起步出前，一個一個做比救星睇。我唔滑由自何，一滑就唔停的向前衝，就算殺制，都係唔受控制的向下滑。我唯有加埋支滑雪杖直插入地，都不能插停唔旭，一路向下溜，我就一路用杖插地，點知都係越插越滑，我比自己呢個”騎0里”情景攪到哭笑不分，哈哈哈哈的狂笑，真係笑足成分鐘都未停到。最後去到差不多盡頭是平地先可停下來。

我回頭望向各人，她們比我狼狽更多，好多半路已經跌倒，跌左又起唔返身，救星為左佢地攪得dumdum轉。我見救星有排都脫不了身，我就抬起對板回起點”再來一次” (請用國語說出來^^)。來來回回，試左三次，班queen都係攪唔掂，因此救星招集我地回起點再教其他課題。

呢次堅呀，救星比d難度我地，收起晒各人既滑雪杖，來個花式滑雪。初初係練之前所學個d，跟著就黎八字轉。有兩個先前學得唔好既就自動棄權，但救星唔知佢想點，我就用有限既日文加個超人死光，救星完全明白。救星更在此時糾正我之前急停既錯誤(原來佢當時睇到我殺唔到制既瘀野，重叫我唔好用杖插入地下做急停，錯錯錯)，佢之後再示範一次，我就融匯貫通了。

至於繞八字，第一次滑得不好，我落到底時佢叫我抬板上去再做多次，等各人表現完再做第二次就做得到。呢個時候，救星話time’s up。個course就完結了，臨走前救星問我下午要不要上課，我話報左一日course，所以下午都要見學。同班queen交流下，先知佢地都係自由行來二世古滑雪，不過班king就走左去學snowboard，班queen就學skiing。

同佢地分手後，我就去左食午飯。

2004 日本北海道四角之行 之 八

續上回

當時身邊既同學仔已經穿好滑雪板及手拿滑雪杖在原地上一步一步學橫行，而我呢，鞋都未識著！！！本應有個好人教我著鞋，但佢雞啄不斷的說著日文，我鬼知你up乜咩！我表態話日文唔掂，佢就做比我睇，我唯有照學．．．．

點知差極隻腳落去塊板處都上唔好制，有幾次失去平衡差d PK again。所以唯有放棄。不久班乞衣就到喇。乞衣來到，一輪日文，就想開始教書，點知見我板都未上，就過黎幫幫手，攪左一排，我見掌握到門路，終於我識著鞋哪。

正當我想跟班同學仔站正，點知．．．． 個人就不由自主的滑下去，滑下去~~~~~~ 塊板真係好冼嫁，企係斜坡上，唔旭都識滑呀。我一路又滑又一路P之際，救星出來了扶了我一把，跟著救星同乞衣chit-chat 一番，就叫我跟他走，唔係化，我企都未企穩就要走？！

我原地企係度，唔識旭。哈哈，可能佢sence到我有乜唔妥，佢就示意叫我除左對板。唉．．．我剛學識著姐，無話我識除wor。於是我比個超人電光電下佢，佢就知我想點喇。嘿嘿嘿！！！！當然拜倒我石榴裙下啦 (唔好嘔，唔好暈住，重有大把野睇，好戲在後頭呀) ，佢低頭屈腳幫我拍左個制，我就鬆毛鬆翼，識行識走了。

之後，佢叫我跟著佢走 ．．． (唔係化，禁快私奔!? 哈哈~~~~~講笑姐)。我心想，唔係禁旬呀，我報group course，而家比個私人教練我，賺晒呀。乞衣話佢識英文，叫我跟佢去學，d日本同學仔留係處比佢教wor。哦~~ 原來如此.。我當然跟救星走啦。救星帶我去比較低既地方，不過我又要好似背著十字架敢走多一段路程。去到目的地我遠望一下，原來已經有另外一批學生係處等緊，我見佢地好鬼亞洲人樣，但又唔知來自何處，因此以不變認萬變。

再行過d，發覺其中一女子我在滑雪學校見過佢，聽佢講過英文，我就知佢係香港人。再見佢同其他人有講有笑，我估佢地可能相識，當我到達之前，全部人停晒口，你望我，我又望你，為左打開話題，我用好純正的廣東話問佢地係邊處黎。點知佢地聽到我呢番說話，即刻起哄，跟著就變成幾個墟。救星見我地bilibala，真係好奇怪現象，跟著重發出個燦爛笑容。然後，當然正式開始教學啦。

2004 日本北海道四角之行 之 七

續上回

第二日早上，滑雪用品租賃公司一早就送上我需要的equipment，我試過ok。屋主又見時間差不多，主動話車我去學校上課，我真係覺得唔好意思，因為見佢剛忙完serve早餐，真係岩岩收起d碗碗碟碟都重未洗，除左圍裙就話帶我起程。好再有住客剛巧出發去滑雪，就義務答應不如帶我去學校，順路放下我才先上山去，我見呢個方案比較好，當然接納啦。

原來著起隻skiing boot，行起路來好不方便。成個機械人敢，個身硬晒0太 (你自己想下小露寶係點樣行路既你就體會到當時我既步伐)。除左著到成隻糭之外，我重要抬起塊滑雪板及滑雪杖，在冼冼既雪上步行，都唔野小。好在由小屋出發至滑雪學校，路程不過十至十五分鐘，也不算多。因此都可以應付，不過亦都可以行到成身出汗。

去到學校交款，就以為正正式式開始我實現滑雪既夢想！點知個呀sir話，學既地點唔係呢處，叫我出門口向唔知邊處有個牌定唔知乜既集合點，到時你個呀sir就會準時出現，叫我千期唔好遲到。死啦，唔知點我去邊添，點算呢？

我當然一輪咀話我唔知’定’，又唔識日文，走失左點算？！ 點知佢話你出門向上走不遠就係哪。我又話我未見過個呀sir，唔知邊條友仔係呀，認錯人咪好瘀。點知佢話佢地d 呀sir個個都著黑衣 “(乞衣)就真”，好似佢現時所著禁，所以應該唔會認錯，叫我快d出發行上去。唉，我又要背著滑雪用品出發去，今次重大Q獲，上斜坡tim，真係行一步，冼後一呎。一路行，一路望，望下邊’得’似集合點，幸好我既判斷力不錯，見到有可疑物體，我就行過去企埋一份。

2004 日本北海道四角之行 之 六

第五個第一次

5　第一次滑雪　-　話說8c9唔係第一次去有雪既地方，但唔知點解，每次去到呢d地方都有d事故發生，攪到我一心想滑雪的美夢遲遲未能實現，因此今次冬日北海道之旅我在planning既時候，點都留多d時間比自己完成呢個願望。

出發前的十二月，得悉今年北海道降雪量不足，我好擔心我的滑雪心願又再落空．．．．如果真的事如願違，我應改行程到那裡去呢?

點知正當我盤旋之際，係出發前幾日，北海道既天神可能知我願望未成，竟然降雪降得連陸路及航空運輸都有影響。唉，唔係化，真係未出發，先delay?! 好在天神有聽我發夢話，在我出發前一天就趕場去西北地方開party (不過去左西北方就令我更加大獲，why why why，下一點講)，
因此我就可以如期的進行我的滑雪計劃。

言歸正傳，第一次滑雪，當然乜都唔識啦，所以我打算先學好基礎，再一步一步進階上山滑下去。先前講過，住民宿及YH係我既首選，我今次去全國有名既二世古雪場，我都係照呢個定律來做booking (在住宿篇我會有深入介紹我住過好及值定全力推介的荀盤比大家)。

當地屋主知道我有心來滑雪及想take course，就二話不說比張入學申請書及滑雪用品租賃表格比我填表，而且熱心幫我量度尺碼再幫我打埋電話預約各方機構。好人到我無話好說。

話說本來我先前計劃一心第二日自己早上行去滑雪學校先再walk-in join course，亦無諗過完來學費係唔包滑雪用品租賃費用既，真係比錢去學就係學，其他乜鬼都唔包。好在屋主知道我既要求，因此剛才所比我既入學申請書係有discount既 (walk-in係無既)，而且滑雪用品租賃公司係全區最便宜既 (比起滑雪學校當然平得更多啦)，因此我節省了不了。^^ 好開心。

2004 日本北海道四角之行 之 五

第四個第一次

4　第一次住民宿，正如我先前所講，我以前住既唔係酒店就係住YH，因此今次都想有小小突破。再者我去既地方，有時住左YH會好唔方便讓我參觀當地名勝，(鬼咩，我今次無駕車，而且當地巴士又梳，搭得車黎，重鬼有時間參觀呀)，所以有幾處我決定住民宿，體驗日式家庭風情。

不過話時話，我呢次既經驗真係唔錯，比起住酒店(由其是東橫)好好多。因為各地既屋主對我很是照顧，自動介紹景點給我之餘，重比好多名勝入場折扣，又提供update資料，又努力地幫我解決疑難(呢個下一個point講)，真係有一家人的感覺，我好enjoy同佢地一齊生活的日子。

還有就係唔知係咪真係唔係旺季呢，每次都係成間屋得我一個住客，我可以霸晒成間屋，哈哈，做乜都得，好鬼’棧’。重有重有，我擇個d雖然是平價民宿，無五星級酒店的裝潢，但點知原來個location好到不得了，容易搵兼方便到極 (雖然先前有地址，但都唔可以確定個地點是好是壞，以為去到之時都要搵餐死兼地點十分不太方便)，因此我有機會都會再返去探下佢地，順便住多幾日渡下假。

總括一句：地點好，租金平，服務態度無得頂兼食宿一流。正正正！！！

2004 日本北海道四角之行 之 四

第三個第一次

3　第一次冰上PK　-　估唔到到步的第一晚，我在不知不覺中就PK了，而且傷勢慘重。

話說由於東橫寄倉呢單野令我火噴噴，因此溜夜我都要再行出來搵住宿，就在去目標旅館的途中，過完一條長長馬路之際，心有雜念 時(諗緊東橫事件，天氣寒冷，夜媽媽，加上想起點解成日聽見有人無啦啦會在雪上跌倒)；因此一時大意，在上行人路之時好踏唔踏，踏在冰面上，一個不留神我就好似成龍拍武打片一樣，飛身”拍”一聲連人帶身撻在地上，好激0架。

基於當時我係背著成4kg的攝影包，因此身體不平衡，負重那邊先著地，我的攝影包也一起飛撻到地上去。好在當時已經夜深，行人不多，但有幾個似是喝完酒的人在遠處聽到巨響，都回頭向我這邊來一看，可能冬日pk的人，佢地見怪不怪，所以我覺得佢地係無意欲過來扶起我既。

當時我第一反應，就係點解撻得禁應，可以四肢爬在地上去，卡通都無禁攪笑，連我自己都覺得攪野，好鬼好笑，由踏冰到跌底都唔洗一秒鐘，真係極速pk。我只係知道起身後發覺大脾側好痛好痛，兼且心知不妙，一定係撻傷左，不過都要返回酒店後先可檢查傷勢。

過多幾秒當我再清醒時，我就發覺更傷者可能唔係我．．．．而係我0個d攝影器材，當時我個反應係個心真係’拿住拿住’痛，唉．．．．唔通又爆鏡．．．．　：（

到後來回到酒店檢查傷勢，我就發現d傷痕唔會即時現出來，而係要每天對你加多些。因此瘀痕的面積就越發越大，瘀足全程兼大過一個成年人的拳頭。

自始之後，我一連幾日都pk了，不過無第一次禁應，而且開始識走位平衡，因此都係小意思。Anyway，都係一個經歷！

2004 日本北海道四角之行 之 三

第二個第一次

2　第一次坐JAL要轉內陸機到北海道，以前坐JAL，覺得佢個飛機餐好好味，點知今次再坐，真係差左好多。由香港去日本東京個程，我選了日式咖哩牛肉飯，點知D牛肉 UN到我咬唔開，我唯有用咖哩撈飯，除去勁堅硬的牛肉就好好味喇。

由日本東京再去北海道個程，都成個幾鐘頭，中間轉機時間我要係機場等兩個半鐘，起得飛黎都下午五點半有多，我一心諗住會有一餐食，所以係機場乜都無買來吃，諗住慳得幾多就幾多，點知．．．．上到機後，空姐只係比左杯飲料就收工。嘩~~~~~~~ 由十一點到六點幾都無野再落肚，到步後成九點幾十點，所以你話個晚我有幾肚餓丫！所以又涷又餓既感覺就係禁樣黎既。

重有就係雖然坐返同一間AIRLINE，但由東京轉內陸機到北海道，係要先出關，再攞返D行李，再行過去內陸機COUNTER做CHECKIN既，你話多唔多餘，比係香港其他AIRLINE，一次過攪掂唔洗你攞完又寄，寄完又攞，真係好好多。

還有回程時由東京返香港，本來MENU上是有日式燒雞比客人擇既(我都想擇呢樣)，唔知係咪禽流感勁HIT，所以改左做牛肉咖哩飯都無人知。我自上次去程中招後，今次當然唔會擇啦，所以擇左魚。點知空姐派餐派得慢，D魚黎到我處都涼晒，唔係太有口感，不過都好過我之前選既日式咖哩牛肉飯。

2004 日本北海道四角之行 之 二

今次去日本，發現出現了很多第一次，讓我逐一話比大家聽 :


第一個第一次

1　第一次入住東橫　–　以前去日本，唔係住酒店就係住YH。但自從入左某個網站，十個蓍九個去日本問住宿，個個都會推薦東橫。橫掂8C9未住過，而且第一日到步去到札幌都成晚上十點，YH好可能已經不能CHECKIN，所以膽粗粗提早成四個月就BOOK 定。

唔好話我醒目，我一馬當先SEND 個FAX，再補打個電話比鄭小姐再DOUBLE CONFIRM。點知佢話可能太早了，那時未必可以預早那麼多做BOOKING，所以會KEEP住我個FAX做RECORD，到差不多之時再幫我預約，我見佢有禁好安排，當然就心安理得當作攪掂左啦。

但時間一日一日過去，到出發前不足一個月也不見鄭小姐回覆，以安全計，我再打去問下情況啦，點知她的答案是唔記得左，連我個FAX都無埋．．．．．唉，我唯有再同佢講一次啦，好彩都做得返，有驚無險。

話說當日去到東橫CHECKIN，入左房之後．．．話唔係化．．． 間房細到嚇死我，一條長長走廊(成十五呎，我講既係室內呀)，闊二呎半，只可行，不可放物，真係多得佢唔少。行行行，行完呢十五呎去到左盡，那就是床了，真係一丁點多餘的空間都沒有!!!

唉，我以為兩年前去希臘時那間小酒店是我呢生人之中最貴既一間，估唔到天外有天，人外有人，呢間重羅命。成四舊幾水一晚，得個張床禁多地方，開個行李箱都有難度，真係有D擇錯既感覺。

不過我份人無乜所謂，每日在房時間不會多過八小時，而且都訂左，真係唔想改，所以就算了。放好行李當然要出去醫肚啦，二話不說就由東橫行去狸小路那邊找東西吃，可惜十間有九間半都打洋，所以求期醫飽肚就算，又涷又餓，想點姐 (點解又涷又餓,，下節講)。回去東橫時，想起明天就要一早出發去我北海道四角之旅 (道東道南道西道北)，帶著個行李箱在雪地上拉黎拉去真係幾羅命，而且個行李箱我係預算玩完之後購物才用得著，所以出發前一心打算會寄存在東橫處，因此回到東橫的RECEPTION時，我就提出此意了，點知．．．．．．．．RECEPTION姐姐仔話，呢處唔可以寄存行李，就算寄存，都係二十四小時，多一分鐘都不能！

唔係化．．． 我之前睇別人遊記都話得，點解宜家唔得?! 我再同佢相量，得出的答案都是一樣，一點轉彎的餘地也沒有，令我腦內晴天霹靂。好苦惱呀~~~~~

(我十二月尾去第二處旅遊時，寄了個行李箱唔收錢放十幾日都得，人地重唔係D乜野酒店TIM，只係INN都可以，估唔到東橫乜鬼都唔得，話POLICY喎!!!)

我被呢著打亂了陣腳，而且覺得拉行李箱走我所想走之路真係十分唔方便，所以把心一橫，回來之時唔再入住東橫!!!! 好鬼激氣呀!!!! 去邊處住好呢，好彩我準備工夫做足，之前未BOOK東橫都一早想入住返YH，所以坐言起行，行去YH睇睇乜環境。成十一點鐘，大門燈關了，但自動門當我走近是打開，一於入去’目及’一’目及’先，一個男士聽到有門開之聲出來望一望，我當然打鐵趁熱，問一問有無房啦，那男的以為我想即時入住，(我都想呀，東橫激鬼氣，CHECKIN時又比左錢，如果唔係我一定拿行李箱走呀)，我連忙說道不是，只是想預定，他說無問題，問我日子兼劃埋房間，好好人。跟著我問可否寄存行李，他說可以，又問我寄存多久，我話十多日，佢都無問題，只係話CHARGE返我小小銀碼，我覺得超值，比JR LOCKER平好多好多。但因為我D行李在東橫，所以我話明天先才寄存，他也沒有說什麼，只說OK，NO PROBLEM。因此我即回東橫取消了我往後回來入住的要求。

2004 日本北海道四角之行 之 一

闊別北海道多年，今次來個大特破，就是要以限定既時間，用盡張JR Pass，去齊四隻角，玩盡北海道每個角落。

有人問：夠竟邊四隻角呀？　　＝＝＞就係函館、稚內、綱走和釧路。

幸運地，由於出發前已經做好資料搜集，因此行程一早已經篇排好，到當地只要接本子辦事就可以了。

不過天有不測之風雲，在旅途上發生了很多事程，使我既旅程上加添了不少奇遇，怪事，特發及歡樂等等等等。

因此我會以每篇標題為第一次來開新文章，以紀錄各種軼事。