又有飛機放！！！

今年年頭，也不知碰了什麼霉運，竟然接二連三比人放飛機。

第一航班，就係予約左成大半年的富士登山之旅。年初還收到有某人的查詢，怕我忘記同佢確認出發時間，點知兩個月前訂機票之時，某人又特然放我飛機。殘念．．．

我無問佢原因，問黎做乜啫，問左會有改變咩？！

第二航班，就係被人哀求叫我再去巴里時務必同埋佢去既路人。二月在巴里途中，已經常常收到路人的電話向我查問行程，終於在回港那天，電話傳來問我下次去巴里既時間，還千叮萬嚀提我再去巴里之時，一定要向佢通知一聲。

回港後既某日，手痕痕又去查下機票，點知比我搵到九月份我想放假既日子有平價機票，二話不說就落手買飛，之後打電話同路人講我又去巴里搵萺下萺下，叫佢自己攪機票。點知．．．佢話可以有變，睇定ｄ再聯絡？！

之後呢幾個月都收到路人電話，最後同我講．．．又話唔去住喎。

啍！唔係你話想去，我都無諗過會再過去玩多次，因為一年去同一處地方三次，真係太多了。

高鐵燒餅

有朋友出差完之後給我發了個電郵，原來佢去左台灣公幹，還買左個燒餅作為手信。雖然我唔知個燒餅（cookie）好唔好味，不過睇落個包裝都幾得意。不得不贊那些商人醒目，有市場觸覺，乜都可以腐朽化神期。

近日換了本關於台灣自由行既旅遊書，內容亦有提及坐高鐵由北部玩到落南部，再睇埋亞視既出香港出發，真係時間諗下飛去台灣，玩個高鐵沿線之旅。＾＾

魚生

哈哈，收到個朋友電郵，佢提我睇左之後唔好大叫，因為佢驚我話佢唔預埋比我。

啍，一睇之下，原來係佢張一條魚變成魚生。

我睇左之後無大叫，不過好驚訝，諗緊由魚變成魚生呢個步驟係唔係佢自己操力既。

呵呵呵．．．．．．




知唔知呢條係乜魚？



完成品，おいしい．．．．．

吉吉首航去台灣

係旅遊展當日，搵到個中華航空的展覽館；當下，被它的吉吉圖案吸引著視線！

原來吉吉航班將會在七月二日首航由香港去台灣，而航班上全部以吉吉模樣來裝飾。

最有趣既係，航班上有嬰兒用品，而且全部免費。

哈哈，同華航既工作人員攀談，原來只要你想要，航班上所有吉吉圖案的物件你都可以要求機組人員比你，當然係要機上有存貨先可以滿足你的要求，不過嬰兒用品呢部份，就真係要你帶埋個嬰兒搭飛機先可以攞喇。

吉吉登機証

吉吉餐盒

吉吉嬰兒用品

日語自由行

不經不覺，第三輯就快推出了。

今年我先睹為快，已經攞左本講義係手，準備開課。

唔講大家唔知，今次的講義係一本可以發聲的書 (當然要另外買一些附助工具先可以令佢發聲啦)。
呢本講義係免費既，不過附助工具就要自行購買。

而且今次既內容已經非一般入門簡單的對話， 文章比較有難度， 所以適合有日文底子的人。

但如果趁佢未開講前先行重溫第一及二輯既日語自由行， 我諗都有機會追得上。

如果大家興趣， 記得留意開課日子。

註1:今次本講義質素頗高，而且印量有限，想取得到手就要快人一步喇。

煲仔飯

好耐無食過煲仔飯了，近日心癢，於是去了鑽石山荷利活廣場頂層的美食中心一試。

跟隨著友人的介紹，找了很久也找不到所提及的食店，雖然走完全場，東找西尋，但係只係發覺只得一間食店有煲仔飯賣，重唔係友人提及既個一間；睇過佢既餐牌，下午茶時段有幾款超值之選，於是求期點了一個　－　北菇滑雞煲仔飯。

落單時，心怕要等好耐，於是順便問一問等候既時間要多久；但賣票的收銀姐姐答我話會唔洗等好耐，好快就會有？！

吓．．．好快就會？！即係唔係即刻煮，即刻煲啦。
有小小擔心，重有個衝動想取消個order！
唉，己來之，則安之。
又未食過，睇下得唔得先算啦。

於是四圍走去搵位，搵到個好近食店既位。一坐低，個煲仔飯就出籠了，前後唔需要八至十分鐘。

走去櫃台取煲仔飯，賣相不錯．．．
味道．．．也不錯，雞脾肉好滑，豉油好甜。
不過，呢個唔係正宗既煲仔飯，因為煲底無飯焦！！

唔．．．呢間幫趁一次就夠了，掛羊頭賣狗肉。

考慮及接納

哈哈，我既理念係『有要求，要出聲』。

幾年前已經在旅遊展跟有關的旅遊單位傾談，道出自己既心聲。

酷愛旅遊的我，當然想要一些我想要的資料啦！

好開心，呢兩年黎不斷發現自己的提議他們是有考慮及接納的。

看．．．

呢兩本小冊子，就是介紹馬來西亞有關潛水的地方，雖然簡單，但仍有其可觀性。
最小限度，我宜家先知馬來西亞有個潛點叫Miri。
唔係時候要搵下資料計劃出發。

左邊個本是上年推出既，右邊個本係今年取既。

2007香港國際旅遊展

每年既旅遊展，如果我有空，我一定會出席，睇睇一年過後，各國有什麼新奇又有趣，而我又想去的地方推介。

今年問了友人取了入場卷，我又明正言順殺入去攞料。

照慣例，我一定係最早個批到達會場，務求得到第一手資料。

宜家有乜料我攞到係手賣瓜子唔話你知住，睇下我今年既戰利品先。

嘿．．．嘿．．．嘿．．．


今年我最欣賞的禮品，手造和式扇子，圖案還是一筆一筆的畫上去。