I'm not a Plastic Bag

呢個所謂既環保袋，真係潮流物品。比傳媒及明星的吹奏，攪到滿成風雨。

有心人一早提前幾日去排隊購買，諗住取得心頭好；而一些專門用拍買物品來賺錢的人也一起走來排隊購買，諗住賺返一筆。

發售當日，不用半小時，就把二千個限量發售的環保袋搶購一空。
有人即時背在身上炫耀一番，亦有人即時放上網站給別人競投。

嘩‧‧‧‧！唔洗一日，一個原本港幣一百二十元既環保袋，就被人抄上到一千二百元，之後更高達三千四百港元。真係達到瘋狂既程度，乜都抄得一餐。

早知禁好賺，我都去排隊買番個放出黎抄啦。

我有個同事好想要呢個環保袋，但係由於被抄得太貴，所以現在已經沒有購買意欲。

但係我有個攪鬼同事為左完成佢個美夢，竟然自製左一個有70%相似既環保袋比佢。

我見到個環保袋之後，真係【哈哈哈哈】幾聲笑左出黎。可借最後那個同事死都唔肯要呢個環保袋，白白浪費左o個個同事一番心機。

實用聽力

還記得普一的教科書內的文章是有聽力購買的，雖然校方沒有強迫叫學生們選購，不過如果想多些練習，都可以自行買回家收聽。

今年普二的教科書，就真係沒有由出版社出的文章聽力可在市場上購買，校方為了方便學生們學習，所以自己朗讀來錄製有關既文章內容，並製成一張CD送給學生。

學校呢番心意真係偉大，不過聽過張CD，d音量非常低音，雖然調高了最大音度，但仍然音量微細。

唉，聽得好辛苦呀~~~~

安全套

日前睇左篇文張，有d攪鬼既玩意推出。
估唔到宜家連memory card，都出埋安全套來保護，還要港幣八十五元一個。

係唔係真係有用就唔知喇，不過見到都會笑餐死。

熊貓飛機

今日ANA既熊貓飛機正式在香港首航，我好幸運無意之中從窗戶看出外就發現它剛剛準備起飛，於是卡擦卡擦把它留著倩影。

頂唔順

上回講左加人工的文章，今次講下小總既劣行。

話說小總係我隊既頭目，亦都係高薪厚祿既人士。佢既級數在公司真係數一數二。

昨日完左個百人大會之後，小總應該收到由部總分發出黎既加人工通知信。由小總分派給同隊既職員。

我收到傳召叫我去攞信，點知未入到小總房時，就被其他同事報料話小總對每個人都有說話講，之後派通知信比你，再叫你拆開睇下個結果；不過與此同時，佢又要睇埋一份，還要抄底你既人工作為紀錄。

老實講，公司加我幾多都唔係由你決定，係部總既安排，再加上高層人魔、新老細、櫈長和倒事既通過；再者你曾經問過人事部攞我地既薪酬資料被拒，於是向我地埋手，當時真係大石壓死蟹，雖然我同幾個同事有暗地裡反抗，但係小總窮追不捨，最後迫於要自首。

今次佢竟然越來越過份，迫你埋墻要你妲蕩蕩向佢披露薪金資料，攪到我地個個同事都咬牙切齒。

我想問下各位，究竟小總佢到底有無侵略我地既私隱，我地可唔可以去告佢。

好心你啦 – 小總，自已已經過百萬年薪，平時又偷雞唔做野，遲到早退無人管，但成日對隊目做出不合理要求。連呢d禁私人既資料都要奪取，所以全隊都無人鍾意你。

我極度頂你唔順呀！

终於開估

昨天個百人大會, 部總同我地分享今年加人工既資料。一睇….咪又係肥上瘦下既方案. 雖然名正言順話今年會有個超級花紅, 但係對d細既黎講, 都係高層人魔吃剩既餅碎.

如果我地o個個叫超級花紅, 你地個份咪叫殿堂級花紅?!

刁‧‧‧‧

環境污染

宜家環境污染嚴重，出一會兒街返屋企之後，就會即時洗手又洗腳；如果唔係，成日覺得細菌佔滿身。

至於個人臉部護理，除了早晚洗臉之餘，每個周未都會再來個大清洗。

首先我會用潔臉乳洗臉，再用幼細既磨沙來去死皮，之後用負離子潔面機吸走污穢，再之後敷個面膜。0禁，一個正常既潔臉程序先叫完成。

我買左一部負離子潔面機已經有幾年，而且每個周未都會用一次，但係每次潔完臉之後，就會發覺平日一般洗臉的護理仍然不夠。

可解?!

你睇下下面張相個結果就自會明白。














你睇下，吸完之後張棉布就會變成灰黑色。好可怕 (>_<)


呢張相係我洗完臉，做完臉部磨沙之後，再用部負離子潔面機潔機。
點知，毛孔內仍然殘留污穢，而呢部機負離子潔面機，就是幫我把d污穢吸反出黎。

各位，如果你地無呢部負離子潔面，你估你塊面有幾乾淨呢?!

安歌 - 豬兜滑溜溜

見個秀唔使錢，行開去超市買東西，我又順道睇多一場豬兜滑溜溜秀，雖然整個過程及音樂完全一樣，但係我仍然覺得又一城的比較做得好。

個秀由開始到完成約十分鐘左右，不過d音響就唔好掂，我聽來聽去都唔知豬兜d對白講乜。(=_=;)

加人工

今日好秘密收到第一手資料，就係終於有加人工的消息。(鬼整佢喇，遲多幾日就係出糧日，如果再無消息就真係搵人同佢打工喇)。

新老細今次諗住自已出封全人類電郵通知大家(唔知係唔係想攞彩呢?!)，等大家知佢有幾重要喎。

電郵內容只係好簡單講話有人工加，不過具體詳情就無寫出黎，等大家收到薪水時才開估。

0車，睇個款都係怕人笑佢加得少，所以唔禁寫出黎就真!!!!!!!!!

十蚊 - 日本急凍食品

日前專誠前往apita超市，睇下有乜新奇又好味的即食食品帶返返屋企。

去到十蚊專櫃，發現有好多日本急凍食品，而且全部賣十蚊。雖然包裝內的份量不多，但係以小小的價錢，就可以買到由日本坐飛機運黎的食物，大家都可以一試。

其他特價冷凍食品

We love Hong Kong

由沙士期間開始，國泰航空及其他商鋪就攪左一個『我愛香港』的行動，用來激勵當時如一個死城既香港，刺激大眾增加消費意欲。

後來香港同沙士打了一場勝仗，呢個活動就再沒有延續下去。

今日香港回歸，國泰航空自行攪左一個『我們愛香港』的推廣活動，來慶祝香港回歸十年。

由於呢個活動的獎品是免費機票，所以我有稿去參選；可惜結果出來時，我參選的兩張相片一張都沒有入圍。還以為好夢撲空，點知原來還有個投票選舉，只要選出十個心水相片，仍然可以有機會嬴取國泰的免費機票！

所以有興趣的朋友，不防click入去以下網址投票啦。
http://www.welovehongkong.hk/index.php

圖書館

由於先前聽人說前幾個月有本旅遊雜誌介紹青春十八票的文章，而我又對呢張票有興趣，所以好想搵本書來看一看。

點知身邊既朋友個個都無買呢本雜誌，又或我太遲問已經掉棄，所以搵左成個月都搵唔到。

明查暗訪之後，終於比我搵到中央圖書館有得借呢類旅遊雜誌，所以星期日我就去左圖書館一趟搵旅遊資料。

好好彩，比我一次入紙就搵到，於是我用左一個早上係圖書館刨料，還發現左一些新事物。

嘿嘿嘿嘿‧‧‧

煲東瓜

公司部門日前又再開班學普通話，本來我都諗住會再學多一次。

點知一望個時間表及導師，就在心中打了個冷震，因為又係以前教開那個東瓜先生。

唔係話佢教得唔好，只係班上個個水平不一樣，想學得進級一點又被別人的進度拖累。再者煲東瓜得黎又只係專注工作上的專有名詞。而呢類名詞對學普通話會話是絕對沒有用途，為左唔想浪費時間，今次都係唔報為上著。

哈哈哈。

終於有人同我報復喇

呢單野本來都唔想講，因為都斷斷續續攪到我嬲左成年。

話說前年買左部MAG內置硬盤錄影機，點知用左唔夠三個月，有一次趁我去旅行之際，返黎之後就無嗱嗱成部機熄左，我整極都開唔著部機，於是提著保養單去代理處維修。

點知將部機放左係佢地公司接近三個月，一直打電話去追查，但係個熱線電話就乜野時間都唔會有人接聽。三個月後佢地終於打電話來話比我聽修理完畢，可以收返部機。本來滿心歡喜，點知去到既時間佢地比過一部新機我拎走，當作交換。唔係化，如果真係整唔返部機，你洗唔洗整三個月然後先知呀?!我一邊講出我不滿既說話，一邊攞部機行出佢地門口。

點知呢部所謂既新機再用左五個月左右，部機又趁我出左門之後壞左。

於是我又要抬部機返廠整，今次又整左二個月，不過攞返屋企之後好快又壞左，而且還過埋保養期，我又打電話去投訴。最後個經理答應幫我作最後一次檢查及維修，不過之後部機再有乜東瓜豆腐，就唔好再搵佢，而且重要收足維修費。

我對呢部硬盤錄影機在第一次維修時都已經沒有信心，點知部機越整越有事，唔係自動停機，就預較錄影不正常。間維修代理又山旮旯禁遠，我上班時佢又上班，我放工時佢又放工，真係每次都要犧牲我寶貴既星期六睡覺時間，先可以攞部機去修理及取回，所以個一年內由於唔夠瞓，所以我都好興呀。

再者每去去維修及取機的等候時間，都要等成一個鐘先攪得三至四單服務，輪侯時間太長之餘，每次我都見其他既維修人士同我以前的心情一樣，投訴部機維修時間太長及無理由的換部新機比個客就算係整左部機的藉口。 真係買左呢部錄影機既人，有苦自己知。

本來諗住寫信去消費者委員會處投訴，但係講下講下，人又懶，最後不了了之。好彩今次有人寫信去報館投訴，擴大件事，等多些人知呢間公司既貨品係幾無品質。

[quote : from Apple Daily]

DVD錄影機修理無門

先後有使用MAG影音產品的讀者投訴該公司售後服務，分別是DVD錄影機僅使用一年零兩天，即不能維修，以及將DVD影碟機送廠修理，逾兩個月仍無下文。讀者蔡先生投訴，其MAG硬碟式DVD錄影機，使用一年，剛過保用期兩天，電源突不能開 ，致電該公司查詢維修事宜，職員甫知已過保養期，即斬釘截鐵指冇零件，「冇得整」，「部機成二千幾蚊，一年就冇零件，連檢查都懶，好唔合理！」蔡先生不滿代理商完全不提供其他解決方法。本報將蔡先生之投訴轉介MAG之代理商聯訊科技，但多次聯絡該公司之客戶經理跟進，也未獲回應。

游說加錢買電視
另讀者鄧小姐不滿，其MAGDVD影碟機於3月時故障，交代理商維修，但代理商一開始即以冇零件為由，游說她加錢改購LCD電視，她拒絕後即音信全無，未能取回影碟機，「電話留言或電郵，一直冇人回覆，直至你 幫手，先有人聯絡我，話部機整番，但前後隔 成兩個幾月，客戶服務好混亂！」

取自: http://appledaily.atnext.com/images/apple-photos/apple/20070719/small/19lb3p4.jpg

十蚊 – 即食飯盒

有日夜晚回家途中行經OK便利店，被門外的一張廣告牌吸引，於是走入便利店尋找，可惜我太晚回家了，這個廣告所賣的十蚊即食飯盒已經被人在早上一掃而空。

於是者我有幾次經驗都是如此，順路去OK便利店時都會望一望，睇下有無呢個即食飯盒賣，不過次次都失望而回。

好好彩，前幾日一個晚我當我去OK便利買雜誌時，比我發現有個十蚊即食飯盒係個雪櫃裡面，二話不說我就買左個返黎試。

於是第二天的中午，我就把呢個飯盒放入微波爐內叮一叮，不用五分鐘香氣四溢。

打開個飯盒一看，雖然賣相好似唔係太多，但食落個味道都唔差，只不過如果鍾意濃味的人可能會覺得個飯盒太淡，但對來說又不錯。

話時話，現在一個即食飯盒加一包紙包果汁都係賣十蚊，你去邊到搵丫!

呢個就係十蚊餐喇

叮熟左之後個樣

轉軚

由於以前買股票有損手既經驗，所以宜家就算個市升得幾瘋狂也好，都已經沒有信心再入虎口了。

但係將D零用錢放係銀行處，想收息之餘d利息又唔多高，為左唔想零利率的事件再出現，所以早幾個月前已經開始部署新的投資方案，搵d可取而又有回報的投資項目。

最後，我擇左將d零用錢來投資基金。雖然基金的管理費及首次認購費都唔平，不過對我呢類懶人來說就最岩用。點解，因為我付出呢一點金錢，就可以有個基金經理去睇住我既投資項目，唔洗我日日望實個市及憂心個股價升升跌跌。而買基金又可作為長線投資，所以今次擇左兩隻新興市場既基金來入手，貪佢將來可能有高回報。

不過由於呢類基金係主題基金，又係新興市場，所以算係高風險的投資工具。如果你承受唔到點點風高浪急的刺激，就真係唔好跟我亂入市喇。


領先動力水資源基金 買入價：US$10.32 今日市價：$10.62


















領先動力新能源基金 買入價：US$10.00 今日市價：$10.86














兩隻分別買左一個月及半個月，就已經有3%及8%的回報。 算是不錯了。

火炭大排檔 – 樂園

星期六下午行完條火炭既坳背灣澗溪之後，就同各人坐車去火炭大排檔食晚飯。

手起刀落，又係我發施號令叫餸食飯。

由於個個玩左半日都有點肚餓，所以拿拿淋叫左九個餸。 可惜個個都肚生蟲，唔洗幾十分鐘就已經把枱上的美食一掃而空。 意猶未盡，大家還雀躍的安歌!

之後再追加多一次order，後又被我騙來甜品，最後每人也吃得肚脹的歸家去。

油麥菜

椒鹽鮮魷 加 黑椒牛柳

滷水鵝片
栗米斑塊
九菜花炒肉片
西檸軟雞
蜜汁燒香鰻
香煎百花椒
香煎蠔餅
好似叫左十一個餸，連埋啤酒，汽水，白飯加甜品，都係每位五十七個大烊。

個天都唔幫我

唉…。

呢幾個月，見到有兩隻前景不錯的新股招股隻資上市，所以我都入字申請。

點知出黎既結果你超額認購，所以在僧多粥少的情況下，唔係每個申請者都可以分的一手股票，而我在這兩次的招股中都失敗，除了抽不到之餘，還要蝕了手續費百幾元，好肉痛啊。

中國高速傳動（658） 招股價：$6.8 當日收市價：$13
洛陽欒川鉬業（3993） 招股價：$7.08 當日收市價：$12.5

隻隻都升到巴巴聲。 (>_<)

豬兜滑溜溜

星期六出發去行澗之前，我去睇左一場免費秀 – 麥兜冰上溜。

由於係第一場的表演，而且宣傳不多，所以人潮亦不是太多。 我好順利就去到佔了一個有利位置，開始我既拍攝生涯。

不過當個秀一開始，d茂利就後知後覺禁開始迫埋過黎，最衰d家長又唔埋d野蠻細佬，等d細佬係我後面推，攪到我d相唔震都變震。 好心d家長教下d細佬啦，唔好學埋d無文化的自由人，剩係識得用蠻力，一d禮貌都無。

(#_#) 黑臉中

宜家個秀逢星期六及日，每日有三場免費表演。 完結日期沒有公佈，所以有興趣既就快d去睇喇。

排期排到 2008

有時得閒， 會去八下d機票價錢。

當發現一有平貨， 我就會check下自已個schedule， 如果沒問題， 我就會即時落搭 (即係購票 – 因為呢類平價機票有限額， 如果諗多兩諗， 就可能sold out)。

亦因為如此， 出下出下就出左幾張機票， 所以黎緊我都會馬不停蹄四圍去。

以下係我既出遊行程表 :

Aug 2007 - Tokyo, Japan
Sept 2007 - Bali, Indonesia
Dec 2007 - Thailand
Feb 2008 – Sipadan, Malaysia
Aug 2008 - Okinawa, Japan

呵呵， 未出發， 先興奮。

又攞獎

公司又攞獎喇，不過攞幾多獎都好，新老細係唔會欣賞你既。

話說有日班高層人魔開會，講到業績有幾好，明年會點點點作規劃。
但係無個高層人魔幫我地呢班低層奴隸提出加薪的提案。
而呀新老細當然”時運高”，咩都唔知?! 咩都睇唔到!!!

之後某日
新老細向櫈長(Chairman)匯報，櫈長亦好滿意上年的業績，不過再仔細查核，忽然指點新老細：『點解班員工做野禁辛苦，又好業績， 都唔加薪既?』

我諗當時新老細都應該唔識有反應，最後佢可能會話再研究再研究。

今日已經過左成半個月，我地班低層奴隸，仍然未有收到加薪的通知。

睇黎月尾既糧，都未必有好消息。 (-_-;)

年報 (Annual Report)

早幾日收到公司的年報，打開一看。

嘩，你地班高層人魔，年薪多到丫，比我用一世都夠晒數呀。

可憐我地呢班低層奴隸，一d加薪的好消息都無收到。

但新老細只不過返左幾個月工，就已經有紅分。

老實講，上年的業績，關你鬼事呀?! 你出過D咩力呀?!

怒氣中 ><#

蟹貨

上次講到坐艇，今日講下蟹貨。

如果坐艇的時間長，損手的貨尾仍然持有，因此資金被限制。呢個情況與一隻蟹被人綁著不能脫身一樣，因此呢種損手貨尾，會被形容成蟹貨。

宜家，我就是蟹貨的主人。(;-.-)

SamSung

非常精彩的人潮表演。
睇完不得不佩服表現者的專業。

坐艇十年

坐艇 – 一個香港投資界既專有名語。

本來呢個詞彙的意思係一隻小艇在水中，有人坐於其上。

但若放在投資理論上，即此投資者買了有關的股票或基金，而現時的市值比買入時的價值為低 (即係蝕本)，現在要等待著時機，讓價值升回到買入的價值，才能鬆綁 (即係賣出)，所以叫做坐艇。

十年前，自己還是黃毛丫頭的時候，看見股票市場暢旺，也就趁著一窩蜂的跟人去投資，本來還是雄心壯志，並且有點零用錢賺了落袋。

點知後來的一個金融風暴，自己傻傻的不知緣機，沒有功成身退，當下仍然持有。
之後一個瞬雷不掩耳，一個強勁的亞洲金融風暴趕到，這一下子就把先前賺了回來的零用錢被沒收之餘，還把買下的股票價值，每日以幾十個巴仙倒退下去。

一瞬間，資產不見了90%，真係欲哭無淚。

之後，我就再沒有買股票了。還把先前賣落的股票隨便放在一邊。
這十年內，股票市場起起跌跌，但我持有關的股票的股值仍然沒有能力回到最先買入的起步點。就這樣，它在我的戶口內養尊處優了十年。

十年之後的今日，股票市場又再道暢旺。
我把手中的股票拿出來再看，幸運地，有一兩隻已經回到了舊有的水平。我二話不說就把他們賣掉了。

可惜現在仍有三數隻坐艇中，睇黎要回到以前入貨的水平是絕對無望了。

哭泣中……>_<;

飲茶文化

今日中午由於公司某同事有喜慶事件慶祝，所以全體部門員工一起外出用膳。

哈哈，你睇…
我落左單叫到成枱都係點心，而且個個狼吞虎嚥的吃過不停。

我影完相之後，d差燒包就無晒喇。 殘念。 >_< 相片中只係今日第一輪的點心, 之後還陸續有來. 我order左total28碟點心呀. 哈哈哈、おいしい！

倒錢落海

還記得有次友人問過我：『最鍾意做乜活動？』

我話：『我最鍾意倒錢落海!』

友人問：『你講真0架？』

我答：『係呀，我講真0架!』

友人再問：『點解你要倒錢落海呀？』

我奸笑地答：『因為我愛潛水。』

友人驚訝：『愛潛水同跟倒錢落海有乜關係？』

我陰陰笑答道：『當你鍾意潛水之後，你就會買好多有雖要的潛水用品；換言之，你買左既潛水用品就會帶埋佢一齊落水，而每次潛水既費用，亦都係消費範式的一種；哪‧‧哪‧‧哪‧‧我無呃你0架，所以加加埋埋就係我搵到既錢，要心甘命抵禁倒錢落醎水海喇。』

MP3

兩個星期前，因為一個唔小心，把部MP3順手跣左落地，碰到枱腳，受了輕輕碰撞。就因為這小小的一擊，雖然部MP3仍然可以使用，但個螢光幕已經空空如也，沒有生命跡象。

我仍然繼續用呢部MP3機收聽，但當有雖要把設定修改時，就大大的考功夫了, 我憑著記憶力而把有關方面調較，可惜唔係次次成功，有時還會把設定改得不得所以。 )=_=(“

於是趁著有假期，我就去左旺角電腦中心，諗住買過部新既MP3機。
點知行完成個商場三層樓，只係發現兩間鋪頭有MP3賣，而其中一間已經唔係賣MP3，而係賣MP4。

心有不甘，於是走去星際中心再尋找MP3的下落。

唉…又行完三層樓，今次只得一間有得賣，而且價錢還比電腦中心貴。

於是在下著大雨而我又無帶傘的中午，死死地氣返回旺角電腦中心買MP3機。

叫個售貨員攞左佢間鋪有既兩個model出黎比我睇過，我都係喜歡自己用開的那一款，雖然呢個款式比另外一款式貴了一陪，但仍然物有所值。

點解?! 因為新款的MP3機，已經唔再用3A電池，而改用內置式充電，減低佢既體積，方便携帶。但呢個設計對我很不利，如果在街上聽聽下MP3已沒有電量，真係沒法可施。而舊式的呢兩款，係所餘僅有仍然可以係市場上買到用3A電池的MP3機，所以唔買佢唔得。

我試完了他成間鋪頭全部五件貨品，都找不到一部自己喜歡的。因為我發現有些沒有了保護貼子，有些機身又花紋，全部都不太像全新的，似是陳列貨品。(鬼咩，呢批機都已經係水尾，宜家呢D應該係倉底貨，所以以前係陳列貨品都會收返埋當新貨賣)

幸好那個售貨員聽到我呢番說話也沒有黑面，而且全程還好好態度的跟我介紹操作情況。最後在不太情願的情況下，終於買左部新既MP3機回家。

左邊係新既MP3機，右邊係舊既MP3機。
新個部全塑膠機殼，舊個部質感較重。

等左佢五年

前幾日趁有空檔，在家中把一些旅行資料重新整理及存檔，發現了幾年前已經想去的地方，又出現在眼前。

我一邊翻著書本，一邊看著美麗的圖片。
雖然身軀仍在家中，但個心已經飛到九萬丈遠。

噢…
霨藍的天空
碧綠的海洋
燦爛的陽光
豐富的美食

你等我呀~~~
我決定明年飛來探妳。 ^3^ ‧‧‧‧‧chu

大阪又有新地標?!

每次去日本，都會選東京作為落腳站，因此已經多年無去過大阪參觀了。

或者，她可能已經變得面目全非，而我對佢既印象，已經完全陌生。此話何來?

朋友K最近去過一間叫做上海新天地的地方，給我看過網址 : http://www.shanghai-xtd.jp/



我發覺呢個商場的名稱，除了跟國內的新天地改得一模一樣之外，連內裡所賣的東西，也很像國產某些商場。雖然佢結合了各方的優點，但我諗佢既價錢亦都會提升數倍。

幸好我去深圳的路程不是太遠，因此可以時常北上去購物，省下不少金錢。 ^^

打咕嚕

由細到大，我都需要一個極度寧靜及舒服的地方才能安睡，不然會成晚纙纙攣訓唔著。

但係有時在某些環境下，呢個要求係遙不可及嘅。

事件一
二零零零年去西藏的時間，由於某些山區的住宿環境不是太好，只要有地方落腳，已經係恩賜。
當時還記得五人在香港一齊出發，但是在西寧機場時因為一些機緣巧合，最後變成七人同行。
本來大家相安無事，但是經過了多天的相處，一些鮮為人知的個人問題就出現了。

首當其衝，就係打咕嚕問題，大家分別住在雙人房時都沒有留意，但當大家一齊住大房時，呢個問題對我既打擊就真係大。

我被別人的甜睡之聲，弄得我徹夜難眠。xyzxyz (# -“_-)
第二日在沒精打采之下，還要挑戰高峰，迎戰高山反應。

事件二
二零零六年去台灣玉山登山時，呢個情況又再發生，因為山上的住宿是大通鋪，而且成三十多人住在一間大房。我當時見到，真係打左個凸。

而且今次既戰況比上次激烈，除了左右高低音，前後5‧1喇叭，還有環迴立體聲，絕對現場收音!!!!!!!!!!!
呢晚唔好諗住可以訓得著，係連休息一刻都唔可以。
最後我成晚被噪音吵耳攪到訓唔著，第二日皮質醇偏高，黑臉了。(X~X)

事件三
哈哈，呢個仍未發生，而我亦唔會比佢發生。
因為八月富士登山之旅，我決定唔入住任何一間高山旅客，席地而坐到天光，只因我怕咕嚕聲，又再打擾我第二日欣賞日出之心情。