誕生日

呢幾年既誕生日都要在極度緊張的情況下渡過，因為公開與校內的大型考試，都係在誕生日期間進行。曾經在同日發生的也有試過，今年亦都沒有例外。

唉，睇黎將來個幾年都會改變唔到事實，一樣要在極度緊張中進行。

殘念なあ。

2008 峇里重遇記 – 前言

2005年，在網上看見其他潛水員從峇里回來的遊記和海底相片，那時我才知道這個世上有一種叫翻車魚的魚類 (學名mola mola，又名sunfish)，它那圓圓可愛的大眼睛，扁平的身軀及優美的泳姿，使我不其然愛上了它。

我從一個無知的小孩，變成一個尋根問底的老頑童。在此之後，我就不停的從網絡上和書籍上尋找有關此魚的資料。後來發現了原來要看此魚類絕非一件容易的事情。因為要看翻車魚，除了要理解它的出沒之處，亦要注意時間上的配合和海水溫度。首先從地理上來看，它只出現於印尼及台灣的海域，而季節性約在每年的八月至九月。知道了基本知識後，我就開始籌備到峇里潛水的旅程，希望能與它在水底中作零距離的會面.

2006年9月，一切準備就緒，就前往峇里nusa penida 的潛點下潛，正式開始尋找翻車魚。那天很幸運，早上見到manta ray，中午就遇上翻車魚了。雖然是發現了翻車魚的縱跡，但是當我游向它的方向時，它也一起移動，漸漸潛下深海去。雖是轉眼間目睹，但亦樂此不疲。

第二天再次出發前往尋找翻車魚，可惜第一次下潛不成功。第二次下潛在水底等侯了十多二十分鐘後，才在深處發現它的踪影。二話不說的我就向著水底進發，今次約在水深40米，可以近距離與它會面。基於下潛深度和氧氣量的限制，只是逗留了短短約五至六分鐘的時間，就要與它分手了。

回到水面後，興奮的心情久久也不能忘滅。

後來回國歸家後再次思考，發覺與它相聚的時間實在太小了. 於是又再計劃2007年的下潛行動。

今年，在峇里nusa penida 的潛點下潛了四次，只有二次機會和它遇上，而與它相聚的時間，亦達到每次約二十多分鐘。我把握今次機會和它在水中暢泳，拍照留念，亦趕緊攝錄它的獨特游姿。最後在不願意的情況之下，向它揮手說再見，結束了今次的偶遇。

2008 峇里重遇記 - 1

今次我好快手，未寫遊記就出左批水底相先。(無辦法啦，欠人相債太多了)。 >_<

今次係我第二次拍攝水底相片，而且比上次既質素好左好多，不過仍有更多更多唔見得人。 (x~x)

2008 峇里重遇記

返左黎香港差不多成個月，都唔記得將今次既戰利品上載，趁宜家有空，放幾張相出黎比大家睇下先。

靚靚沙龍


終於比我搵到毛啦毛啦Tee ^0^ Y

窩心薑茶

過百篇

唔經唔覺，今日上載完文章之後，就發現原來已經寫了111篇文章。

加埋呢篇，已經112篇喇。

恭喜，恭喜！

譚才記

星期六途經旺角，終於有時間行入譚才記的新店參觀，呢間新店位於洗衣街，而鋪面比以前花園街的小，還沒有二樓，因此貨品品種亦相應減少了。



現在是十月，但鋪內已經差不多全部擺放了聖誕節的貨物供客人選購；如果有興趣，不防前往一看。

興到七彩

星期六行返出旺角shopping之後，見有時間，就走左去剪髮。

成六點幾先入去，諗坐唔會好多人，點知坐到滿晒。

有個妹妹仔行過黎問我搵開邊個剪頭髮師父，我唔想等禁耐，所以話邊個都得，最緊要快。

坐下洗頭跟著入坐。 唔洗五分鐘就有個剪頭髮師父出現，呢個以前無同我剪過頭髮，所以佢好有禮貌同我溝通左幾句，之後我講明前面面旁唔可以剪得太短，比埋個手勢指比佢睇。 見佢示意表明，我為了避免髮碎入眼，於是閉著眼休息等佢為我服務。

手起刀落了數分鐘，我就會自然打開雙眼望下佢剪成什麼樣。

點知唔睇由自何，一睇我就把幾火。

之前叫住佢叫佢唔好前面面旁唔可以剪得太短，點知就真係剪到同我手勢指比佢睇個長度一樣。 佢係後面繼續剪，我就問佢點解前面剪得禁短，佢點頭唔左一聲就算。

之後佢好似剪好個型，就好似開始問我意見。唔洗講，我等係問佢點解前面剪得禁短啦。佢話呢D係LAYER，又乜又物。

我話剪LAYER可以係後面，不過唔係前面。講左你知你偏向虎口行，真係一個十分唔專業的剪頭髮師父。佢應知佢有不著，亦敵不過我，就提議不如現在換師父。

我話宜家邊個識同你執手尾你，你要自己攪返掂佢。

最後佢再執多幾執，攪到我變左『葉劉』 (我覺得)，興到我七彩。

現在由於LAYER太多，我今早起床就變了超西，D頭髮飛起晒，唔似未剪前貼貼服服。

我好想打實佢同%%#*^@!#^(^!*#^*(佢。

睡午覺

在福榮街某店舖門口，我見到一隻貓咪好安逸的睡在麻包上。

見他半合半張的眼睛，我就行埋去撫摸牠. 好彩佢無發惡，重好欣賞我的撫摸。

我同佢講：『你就好啦，今日條街人山人海你都可以睡午覺。』

貓咪咪著眼睛沒有回應我一句說話，仍然繼續好舒服的睡在麻包上。

我見佢禁享受，就唔好意思再打擾牠，起身走人。 :-P

福榮街

一個可能你聽過但無去過既地方。









星期六由深水埗走回旺角途經福榮街，發現由於時迎哈佬喂(Halloween)，所以好多店舖也趁勢出擊，賣一些關於此節日的裝飾和玩具。










我行過幾間商店，由於人潮太多，而且我對哈佬喂飾物又沒有興趣，所以看了兩眼就走人了。

不過比我發現了現在時興毛巾蛋糕，用毛巾做而外型極似蛋糕的精品。雖然呢類精品多年前已經在泰國流行，不過今時今日先hit到來香港。



下次送生日禮物比朋友時，可考慮這種另類，一來可以作為生日禮物，二來朋友收下時又不怕吃蛋糕會致肥，真係一舉兩得。

和民

出賽前來來飽肚，於是去了德福花園內的和民日本料理食午餐。

點左四個項目，好似有個牛肉薄餅，蠔仔焗飯，餃子和芝士球。埋單都會每人五十二元.

雖然味道一般，但以日本料理都算是平價之選。

綠林甜品

一直以來都聽到幾個朋友說深水埗有間店舖的糖水/甜品好好吃，但是我每次去深水埗都沒有細心把佢找出來。

日前看了一篇文章報導，終於知道其中一間的地址，所以今次來到深水埗，就決心一嘗它的美味。


在深水埗電腦廣場購物完之後，行出商場轉個灣，綠林甜品就在眼前，再行多兩步。

0依?!點解重門深鎖，關上大閘既!
唔係我一知道你地址黎試味，你就剛巧關門大吉呀~~~~

我唔死心行到鐵閘前睇下係唔係貼左張關門大吉告示，點知又無喎。 望多兩望，比我望到佢門口有個牌寫著開鋪時間係15:00 – 01:00。 我望下隻表，現在才十二點多未夠一點，睇怕我都唔會等佢開門，唯有下次請晚(點出門)。

跟著我去左鴨寮街買野，行下行下，八下八下又買下買下。 無啦啦就攪到二點四十五分。 睇完個錶我就想起綠林，於是行返去元州街個邊，諗住等佢開門就第一個入去食餐飽既。

行到差不多佢門口，就見大閘已捲上，開左門喇。

於是行入間鋪睇下可以落單未，點知已經有人坐滿半間鋪頭，吃到雪雪聲。

依，宜家係二點五十五分，點解會禁既。

唔好理佢先，個肚餓到古古聲，即刻落單叫左個合桃露。 唔洗一分鐘就有得食，我一食落好就知佢唔係用粉沖出來的，而且甜美不重，我鐘意。

三扒兩撥之際，成碗合桃露就比我食晒。 意猶未盡，於是落單叫多碗芝麻糊加豆腐花。 當我今次細心閱讀菜單之際，竟然比我發現了原來星期六，日他們的營業時間是有所不同，提早二點開門，怪不得剛才我來到門口時,發現已經有人正在吃糖水中。

今次碗芝麻糊做得相當好，不過我兼豆腐花未夠滑溜，但以這個平民價錢食到碗自磨的芝麻糊，真係好超值。 ^0^

鴨寮街

每次出門去深水埗電腦廣場購物，都會不期然順路一起逛逛鴨寮街。

今次聽到有傳聞話鴨寮街有猪肉佬的噹噹賣(註1)，所以我就去八一八。

就在街頭行來行去，都找不到傳說中的噹噹商店，原因是為那處有幾間店舖都叫螢記 >_<

正當想離開之際，竟然被我走漏眼發現了先前曾經探視過的一間小檔，內有傳說中的噹噹賣。

我拿起來看看，雖然手工不太好，但勝在夠便宜。

噹噹響的九十元，無噹噹的七十元。相比起我在詩班單賣的也差不多價錢。

可惜會噹噹響的對我來說太短了，所以最後我都放棄了沒有買下來。

註1：猪肉佬的噹噹 (Pointer) – 即是潛水時用來指著某處的長條型幼長金屬棒。

鴨寮街街景
我時常去買金屬扣的地方

鴨寮街街景
我時常去買電池的地方

聯決出賽

星期日約同R君及S君出賽決戰全港學界日本文化常識問答大賽2007，從初賽中的二百五十四隊未能爭取成功出席八強。 於是坐在大堂內觀看比賽。

場館入口

比賽大堂

今次初選的六十題問題中，有信心既只有一半，而其餘的全部靠猜，估，撞來填上答案。 所以名落孫山。

不過到了八強爭奪戰及五強競爭賽，我地又發覺D題目好容易答，因此八成出晒我地識既強項。

最後我同S君睇晒成場，攞埋個福袋先離開。

成功入選

同君及君組隊出賽決戰全港學界日本文化常識問答大賽2007，已經被確認了，參賽隊號:38.

係時侯要搵下書，做功課了。

任務完成

終於完成今年“回歸巴里”之旅，今次真係勤力過上年，下潛次數比上年多，因此見到的海洋生物亦比上年豐富。

每日咬住個調節器幾個鐘，真係咬到口軟，有時晚上連吃東西的力量也沒有，不過我仍然覺得好充實。

一個字講晒『正』。