惹火

上星期有日大契請食飯，我見上年做野禁辛苦，大契又一年先請人食一次飯，而且飯局又在工作時間上，當然答應赴會。

雖然飯局前我提議去食一些貴夾唔飽既地方食飯，最後由於是公投問題，最後擇左『惹火Wild Fire』來食西餐。

呢間餐廳食過多次，不過食物水準只是一般，但價錢就高尚。如果未食過，都可以試一次。

今次頭盤點了凱旋沙拉，主菜吃了黑松露菌加魚塊，再配埋甜品及西茶，攪掂。

早知點呢個小食併盤啦，豐富過凱旋沙拉多多聲。

磨沙霜@Bali

這是印尼出產的磨沙霜，它的好處是平、靚、正。
用後的感覺超棒，皮膚又滑又爽。

如果你在峇巴做LuLu spa，好多時一開始就是用這類磨沙霜跟你磨去死皮，之後再做其他療程。

定價：9,500Rp

品牌：Sumber Ayu，在Discovery Shopping Mall的超市有售，大的250g，小的130g；另一個牌子叫Evany Senses是250g。

磨沙霜的用法：

1. 皮膚要乾乾的，先不要碰水。
2. 用磨沙霜之前，不必用沐浴用品來清潔身體。
3. 直接把磨沙霜塗抹在要去角質(死皮)的地方，等一會兒當磨沙霜有點乾涸之後，把磨沙霜搓掉。
4. 搓得差不多之後，再用溫水/清水沖洗乾淨。
5. 然後用沐浴用品清潔，再以溫水洗淨後，擦上乳液，就完成啦。

2008年2月14日

本來應該會無驚又無險的渡過，點知大細契一齊攪攪震，話要在呢日進行大遷徙，真係多得佢地唔少。你無人約，唔代表別人無人約0架。就算真係無人約，又點解好擇唔擇擇呢日呢？！

總之當日下午我會執行大罷工，全程執包袱，唔開工。
放工時一分鐘都唔會蝕比你地，絕對準時走人。

註：大隊已經早我地一年入伙啦！之前大細契比人三催四請都無行動，最後雀巢鳩佔，趕極都唔走。宜家又抱鞋挽屐走，神又係你，鬼又係你。多謝晒！

女士特別部位清潔用品@Bali

有次從文獻上看了報導，話說有90%的女士也不重視特別部位的清潔，因此而可能染上細菌或疾病。

上回去峇里旅遊時，被筆者發現了一支不錯地道出產的清潔用品，用過之後感覺也不錯，而且比某品牌便宜了一大截. 如果你去印尼地方旅行，不防買支自己嘗試，又或當禮物送給朋友也可。

品牌：Sabun – Dau Sirih，在Discovery Shopping Mall的超市有售，大的200ml，小的90ml。

定價：12,500Rp (200ml)

防晒霜@Thailand

我喜歡陽光，但怕臉上長雀班。

所以每次出門去外旅，又或是行山遠足，我都會把防晒霜揸在臉上及身上，以防紫外線對我作出攻擊。但試過多隻品牌的防晒霜，不是質地太油膩，就是價格太貴，最壞的結果就是揸了也被太陽晒得變成黑炭。

幸好有次筆者去泰國旅行，被我發現了一隻不錯的防晒霜，而且功效比其他不論是世界品牌或頂級貴貨了得。再者防晒霜內加入了維他命C及蘆薈成份，有滋潤功能，因此自此之後，筆者每到泰國也必定入貨。

定價：399B (但很多時也有特價提供，約249B - 299B不等)

百年找換店

除了各家銀行及尖沙咀重慶大廈，香港還有一間係背包客或旅遊人士才知道的外幣找換店，可惜呢間找換店只有一間，沒有分店，所以如非你需要兌換大量現鈔，又或上班/住宿在中環，不然你去那裡找換，賺了回來的差價，也可能不夠你去此找換店的交通費。

下月就又要出門，趁有時間昨日上去換了一批貨幣. 順便影女幾張相介紹比大家。

溫馨提示：店內標明如果兌換港幣八千元以上，是雖要填表登記的。(我猜想是銀鑑會的規定，以防洗黑錢)

網址：百年

蜈蚣丸@Thailand

如果你的功作是整天也要開聲說話，又或時常有都市病喉嚨發炎，又或有咳嗽，那你應該要吃呢種蜈蚣丸。

筆者以前時常有以上病例，經朋友介紹吃此蜈蚣丸，真的有舒緩氣管上的不適。

所以推薦比大家。

定價：10B

日文二級閱讀

筆者日前上去樓上書店購物，被職員推介了一本短文集，見價錢不是太貴，所以買了下來。

閱讀後發現此書是這十年從某報章中選取出來的文章，字數不太長，但有簡體把原來翻譯，所以從中可以測試自己的理解能力.

如果想增強閱讀及翻譯能力，同窗也可以買來一看。

現金券

如果你在二月十九日或之前由香港出發去外旅，那你要記著把你的登機証在機場去指定換領處，兌換成港幣三十元的現金券，之後再用現金券去二號離境大樓購物呀。

Rose Hotel @ Thailand

係泰國返黎，發現左間好少網站有介紹的酒店. 我未住過，不過睇個樣都好似唔錯。

大家有機會可以試下。

網址：Rose Hotel

滋擾來電

滋擾來電

我好討厭收到那些沒有來電顯示的推銷 / 問卷調查電話。因為一開始他們的對白就是『你是不是xxxxxxxxx的機主。』

當我一聽到呢段說話，我就會即時把電話切線，以免浪費時間聽一段無謂推銷。幸好現在政府終於立法了，大家快d把握機會去登記，堵絕此種滋擾來電。

~~~~~~~~~~~~~~~~~~~~~~~~~~~~~~~~~~~~~~~~~~~~

某日新聞剪報

【本報訊】沒有垃圾傳真、短訊、電話的日子來了。《非應邀電子訊息條例》明日起全面生效，市民可登記完全不接收商業電子訊息。電訊管理局明起分階段接受市民登記拒收傳真、短訊和預錄電話訊息，市民也可直接向發出訊息的機構提出拒絕接收。該局提醒發放訊息機構必須遵從新法例，第一次定罪可罰款10萬元，之後再犯每次可罰款50萬元。

電訊管理局已設立拒收商業電子訊息的登記熱線，號碼為1835002。第一階段將接受登記拒收商業電子訊息傳真，市民明起需用擬拒收訊息的傳真機，致電該登記號碼登記，最快由下月18日起將可不再收到該類傳真。登記不設限期，市民可於任何時間致電該熱線；當局呼籲市民為免系統負荷過重，若線路繁忙，請於稍後再試。

須分階段登記

電訊管理局表示，鑑於本港使用的傳真和電話號碼超過1,400萬個，所以須分階段登記，以確保運作暢順。市民如欲拒收短訊，可由下月8日起登記；若不想家中電話或手提電話收到預錄電話訊息，則可於下月下旬至3月上旬起登記，在明年4月初生效。
條例明日全面實施後，商業電子訊息發送人須在訊息中提供準確的發送人資料和取消接收選項，並遵守用家的拒絕接收要求。

詳情可瀏覽http://www.ofta.gov.hk/zh/uem/main.html或公眾查詢熱線21806868。

笑爆咀

如果你係香港人， 睇左呢條片唔笑既，我就真係無辦法喇。
輕鬆下啦，香港人。

開倉 - 潛水店冬季開倉 特賣週

美國潛水訓練中心 -(旺角店) Pro-Dive (Mong Kok Shop)

將進行冬季開倉特賣週 Special Offer

並於18-1-2008 至27-1-2008 上午 11:30 至晚上 8:30
From 18/Jan/2008 to 27/Jan/2008 11:30 to 2030

(Mares) (Cressi) (Scubapro) (Tusa) (Aqua Lung) (Sherwood) (Oceanic) (Action Quest)

大量特價 男女裝( 長袖) 潛水膠衣 $299 起
Lots of wetsuit $299up
BCD 最後清貨$999 起 貨量有限
Mask $99 起
Snorkel $89 起
TUSA 潛水 mask + 呼吸管 $199
潛水刀 $99起
潛水boot $90元起
TUSA 潛水調整式蛙鞋 $199 一對起
多種顏色 hoseholder 盒裝 $10
TUSA (多色 )潛水專用手套 $99
青少年浮潛用具套裝 $150
大量防曬衣 $88起

其餘大量潛水用具 ,調節器，潛水電腦，精品，不能盡錄，均以特價發售
請於特賣週期間 親臨選購 並祝新年進步

九龍店：旺角通菜街 179號 二樓
電話 :82282238

以物易物

以物易物


我發現了一個又環保又有用的網站，就係一個以以物易物名『TradeDuck』的網站喇。

我岩岩成為左會員，之後我會把一些我沒有用而又新淨的物件放上網站上與別人交換，以減少堆田區的負荷。

如果你家中有再沒有需要的物品，也可把它和別人交換，這麼就變了雙贏，一舉兩得。

簡介：
TradeDuck是香港首個利用「以物易物」為交易方式的網上交易平台。我們的宗旨是為用戶提供最便捷的方法，利用自身物件換取其他心儀物品，達到互惠互利的雙贏局面，並有效促進物品循環再用。

網址：TradeDuck

周年晚餐2007

上星期五，公司在會展舉行了一年一度的周年晚餐。今年係新老細上升之後第一年既周年晚餐，所以席間講左成十幾二十分鐘的演詞，可惜呢個新老細不得人心，佢有佢係台上講，台下後在坐面的員工有員工既閒談，一時之間，成個會場就要趁墟，嘈得不得了。

老實說，我對新老細也不欣賞，佢既演講詞一句都聽唔入耳。

至於櫈長，自已間上市公司賺錢賺到笑；不過佢做得櫈長，係周年晚餐中一點特別既表示都無，櫈長志在來吃一餐，同批高層及公司董事搭訕，對呢間公司的職員，沒有表揚之心。最後一毛錢及一分禮物都無捐出來抽獎。

再講起抽獎，今年既禮物數量少左，但是質量就好左。最令人激心既係，頭獎竟然比左個入職得兩個星期都唔夠既新人攞左。

個個員公聽到之後都媽媽聲，跟著即刻起身出門口。

是日兇日

今早返到辦公室，發現外援丙沒有在假日的時間幫我的電腦加入新的記憶體，所以即時捉著佢辦理。點知安裝完之後，成部電腦的操作係統(OS)死左，最後要重新將機內全部的視窗及軟件安裝過，攪左成個早上都未攪完，令到我今早返工無電腦用。

再者今早有個外援戉利向我頂咀，算你唔好彩，我心情唔多靚，一次過教育你。

2007富士24之六 機場快線NEX

我匆出售票處門口之後拖著行李，四圍望的找著職員對我所講的提示。經過一輪轉折尋尋覓，再用左五分鐘連跑帶跳終於搵到個月台。

之後把行李放上車，就坐左係個位到回氣。但係我記起在日本坐新幹線之類的快速列車，一般來說係在買票時幫你編排坐位的，雖然我現時坐岩左個位號……不過應該唔會禁岩兼禁順利上埋正確既車廂掛?!

從口袋中取出車票一看，再行出車箱外望。噢!我真係上錯個車廂。望下隻手錶，還有三分鐘開車。個心十五十六盤算緊好不好取行李下車再出月台搵岩車箱呢?!基於日本的制度，如果我唔搵返岩個車箱來坐，等一下查票時，我都會比鐵路員哦我一輪。唉，我都係死死地氣拎返件行李快手快腳去個正確的車廂啦。

取返件行李落左月台，前望後望，就知道明確的目標係在車尾方向。一個箭步拖著行李跑到車尾，終於搵返岩個車廂喇。再用九牛二虎之力搬返件行李上車，搵埋個位就滿頭大汗坐左係個位處旋氣。跟著不用一分鐘，架列車啫啫幾聲就開出了。環顧四周，車廂只得我一個乘客，哈哈，真係爽。

架列車向著東京市都心出發，我就坐係張椅望著窗外的景象。列車高速的在鐵路上飛翔，外面的景張就一瞬間溜走。不久，有乘客行入這個車廂中，一行三人直朝著我方進發，終於在我面前停下。啊，原來他們這三人正是坐在我身旁的坐位，而其中兩位，也是剛才我在自動電梯上問錯路的旅客，世界果真如此細小。

三人安坐後，不以為然互相打招呼，寒暄幾句，之後他們三人好像有點公事閒談，我就坐在旁邊繼續欣賞風氣。

不出數分鐘的車程，列車就到達空港二號大樓，在停泊的期間，有很多從國內旅行歸來的日本人上車，一時間，整個車廂充滿了一家大小，三五良朋的日本人，並不時傳來談話聲及笑聲。這個時候，列車上已經變得坐無虛席了。

我在車上無聊地找尋景物拍照，不知不覺就坐了約一小時多到達東京站。在東京站上，差不多剛才上車的日本人魚貫下車，連坐在我身旁的旅客也一起下車。幾分鐘之間，車內又回復平靜，只留下約六人的乘客。

我趁著車廂內的乘客不多，就由車頭影相影到車尾，最後到站時才斯斯然下車。

三點三十七分就到達新宿，比我原來計算的早了二個多小時。因為我沒有想到自已可以趕上二點十三分開出既列車。

車上還有靚靚姐姐買咖啡

2007富士24之五 日本東鐵 JR East

推著件大行李，我就要搵東日本鐵路的售票處。向著人流的方向前進，好似上上落落左兩層樓都見唔到有售票處。於是我就用爛口日語問站在我前面貌似日本人的旅客，點知講完爛口日語之後，個旅容話佢唔係日本人，所以唔知我講乜。哈哈哈，再用英文溝通，先知道大家也是向著鐵路售票進發。落下落下，終於到左一層有車票賣既地方，左望右望，都唔見有東日本鐵路?!直在迷惑之際，捉住個在我身旁走過既工作人員查問。佢話比我知要轉左又轉右再落多一層樓先係售票處。我跟著佢既指示再前往，不過一落到呢層就見唔到那間售票處，正在徬徨之際，行多幾步，就發現呢間售票處比前面的建築物擋住我的視線，因此一來到此層就看不見。

我潮著售票處門口前往，遠望櫃台前有一對外型似港人的遊客正在買票，於是我邊行邊走，站在門內的停留處等候，當我一站立在此處，低頭放手入袋找尋銀兩之際，剛巧那兩個遊客徹退，而櫃台內的職員就著手叫我行入內，我一面狼狽的淘銀兩，一面放下行李在門外，又一面想叫道要買NEX特急加西瓜咭套票之餘，當我仍未講出西瓜咭套票之餘，那個熱誠的職員已經問我是否買套票了。真是細心加有服務精神。我好不容易把銀兩淘出來付款，個熱誠的職員即時就同我講，下班車就快從月台開出，你還有十二分鐘的時間行去月台乘車，因為下一班發車的時間在二點十三分。如果呢班趕唔切，就要坐二點四十三分既。

嘩，我找回的零錢未放好，行李又隨便放在門外，記錄既相又一張都未拍，乘車既月台又唔知邊處…。萬七個問號在腦海中之際，你就同我講唔夠十多分鐘架列車就會開出?!

天呀，腦中一片空白。人生唔不熟，唔個個月台係邊處，十二分鐘追趕時速，真你有些難度。於是我用爛口日語再明，個熱誠職員好有心機話比我聽出門左轉過左邊處又點點點。唉，我一向弱項既聽力真係只聽到三成，再指指點點問個識員一次。呢個時候是大約問到五成，望一望個錶，噢賣葛!!還剩下八分鐘時間左右。連忙向職員多謝及道別，就奔出門外取行李，我行左兩步停左落黎，因為我一張相都無影過，之後點做記錄呢。於是我把行李拋下，我又一個箭步走入售票處，當時個職員還以為我留下了東西要回來取回。不過我同他講話我想影張相來留念，他們就一個正經弄好領帶，企定定面帶笑容比我卡擦左一張。之後我講多謝就想轉身走人之際。其中一個職員同他的同事說，噢…剛才忘記把盤子放下，多醜怪啊!!之後兩個互相嘲笑，我看見呢個情景，也笑了下來。最後同職員講大丈夫(無問題)。就奪門而出。不過當我行出門口回望之際，兩個職員仍然碟碟不休講著呢個盤子笑話。

2007富士24之四 進入國境

由於是暑假旺季，好多家庭一家大小出國旅行，因此呢班航班十分多人。放好手提行李坐好位，飛機就準時八點十分起飛了。

坐係機上，無無聊聊就坐左四個鐘，食左個一般味道的飛機餐，航機就準時13:10到達東京成田機場。

個閘門一開，各人魚貫行出飛機倉，我加快腳步前去入境處櫃台。都已經有十數人排緊隊了。一邊填入境表，一邊排隊。點知張表萬七樣野要填，差點填不及就輪到我見官了。好彩天花龍鳳鬼畫符填完張表就剛剛排到我。

入境程序約五分鐘內弄好，就行出大堂等件行李出來。日本機場既工作效率真係比香港慢，等左成二十分鐘，都未見自己件行李出。

等到個個眼瓊瓊

我記得乘NEX (NaritaExpress) 到新宿班次唔係太密，約三，四十分鐘一班，攞d資料出黎睇，下一班既NEX應該一點14:13，搭唔到就要等到14:43。

再等多五分鐘左右，終於見到自己件行李被行李運輸帶送出黎，快快手趁返件行李就出海關。

從遠處望見，日本海關十個有九個都有對旅客問問題。我越行越近之際，剛巧有個關員檢查完一個旅客，就招手叫我過去。去到佢面前，又要出示護照，又問三問四，最後重要我問行李箱比佢檢查。係呢個時間我就有d驚，唔係話自己做左壞事，只係由於要登山，日本物價指數要貴，所以我放左三升以上的水及飲料係個行李箱裡面。我怕個海關傻傻地，諗下點解d水禁重，而呢個旅客會帶大量入境啫，一陣懷疑我被d禁品入境，要我逐支水試食比佢睇就死得喇。我開左個行李箱後，個關員就由上摸到下，再望多兩望就話可以放我走了。臨走前又問我自己一個人來日本呀?我話係。又問我來日本做乜?我話觀光。之後又問我有無朋友在日本?我答有。來探朋友嗎?係。問完一輪無聊問題，我終於走得喇。

2007富士24之三 正式出發

由於要搭西北航空08:15既航班，而又要預早兩小時前去到登機櫃台，於是我零晨搭04:15班次的貓頭鷹巴士去機場。

不過今早一起身，喉嚨已經同我響警報，火燒的感覺由口腔內傳出，痛到不得了，我黎緊個多星期不在港，如果無藥食，真係辛苦到完全唔想講說話。

貓頭鷹巴士準時到站，我一上車就想睡多一會，因為昨晚回家太晚，加上收拾行裝到零晨兩點，本來都諗住唔訓通頂到天光，便又怕之後的一天沒氣力登山，所以最後都係調教好鬧鐘，訓左兩個多小時就起床出發。

在巴士上，由於站站停又有晨早要去機場上班員工，所以在唔太寧靜的環境下我都係訓唔著，只係閉著眼休息。在車程上，喉嚨不時隱隱作痛，心中盤算一定要看醫生，而且記得機場又有一間診所駐診，於是決心一闖。

貓頭鷹巴士06:00左右到達香港國際機場，我提著行李正奔七樓的詢問處查詢機場診所辦公時間，服務員回答應在七時開診，並寫下聯絡電話叮嚀我現在打電話去確認診所既辦公時間。我取過電話號碼後見時間還早06:15，就先行到西北航空辦理登機手續。

推著行李來到H列西北航空櫃台，最初只見預辦登機手續的自動電腦，由於我呢張廉價團體張機沒有機票號碼(實際上係一D都唔廉價)，所以不能預先在二十四小時前自行網上預約留位和辦登機手續，所以我要死死地氣去到列尾排隊辦理登機。

去到列尾，一個航空公司的職員問我是否去美國，我回答話唔係，於是佢叫我行返去列頭排隊辦理。吓，唔係化。我又推著行李行到列頭，只見那些是一早自行在網上預約留位和辦登機手續的電子櫃台，正當我兩頭望之際，企係個電子櫃台既西北職員問我係唔係辦理登機手續，我話係，不過無預先上網辦手續喎。佢話唔緊要，幫我攪。當然啦，呢個時間無乜人辦登機手續，所以你咪幫我手0羅。

擇位既時間睇佢個樣就知佢唔耐煩，最後我未擇完，佢就求其擇左一個比我就算數，草草了事。我見到有得申請入會蓄飛行里數，於是問佢攞左張表格，話填完會交返比佢。點知佢依依哦哦，又話唔洗比佢，寄返黎就得。講三講四。最後我唔理佢，填完之後點都比返張表格等佢同我跟進。

交完張表格都係六點四十分左右，於是我就行去間診所，睇下開左門未。點知大門關上，人影都唔多個。呢個時間又口渴，於是上返隔離總部既康樂室飲水。呢次一來一回，都用左成二十分鐘。終於六點五十五分左右再次返到診所門口。今次大門開左喇，一入去就發現已經有三個人坐左係處，我去櫃台登記完就坐埋一邊。時間不停的消逝，但個醫生仍然未返。我是於八掛問坐左係處的病人，諗住問下佢地坐幾點機，如果唔趕時間就讓比我睇醫生先。點知傾完之後，原來佢地都係趕飛機既，所以無望，不過好在唔係三個人要睇醫生，因為佢地係一家人，只係個女有病要睇醫生。

到左七點十分個醫生重未返，我就行去櫃位問個護士，護士答我個醫生已經在路上約七點十五分到處。我又在坐埋一邊等，不過到左七點二十分，個醫生仍然未返到。隻眼望住個鐘，個人就噗噗跳，因為距離上機既時間只剩三十分鐘左右。護士見到呢個焦急既樣都無辦法，因此醫生未返到，佢乜都幫唔到。

七點二十五分，終於有個外國肥人行入黎診所，同護士寒暄幾句就行左入房。噢!!醫生終於返左黎喇，不過係西人，我怕我詞不達意，就問護士呢個醫生識唔識中文，護士話佢識聽，又識講。唔，我都安心一點。

醫生好快就叫左第一個病人入房，睇左個病人五分鐘左右，就宣佈呢個病人唔上得飛機，叫佢家人上去櫃台辦理延期手續。而下一個係我，唔好禁唔好彩比我上唔到機就好了。

入到診療室，醫生問我係唔係趕上機，我話係，跟著就開始問病証，我三言兩語講出病情。醫生就手起筆落開藥比我，成個過程唔洗三分鐘攪掂。行返出大堂坐低等取藥又望下個錶。都已經七點三十五分了。

等左不久，都唔覺個護士幫我執藥，於是我行埋櫃台，比點壓力佢，等佢知道我已經等無可等。護士見我迫到埋身，就手忙腳亂攞起張病歷幫我配藥。左擇右擇，終於全部執齊，我取過藥後，就飛撲埋去個蒸餾水機飲水食藥，之後行出門口趕去人民入境事務處出國了。


此時還接到隊友L君的長途電話，我叮嚀L君晚上到埗東京後，打我日本朋友的手機電話找我，以便互相照應。

幸好我坐的是早機，早上航班不是太密，因此不太多人進入入境事出境。我唔洗十分鐘就辦好手續了。之後加快引擎，直奔到閘口登機。

未去到閘口，已經見到閘口外無人龍排隊，即係全部乘客入左飛機倉。我被審查過登機証，就順利進入機倉了。

明信片

多年來每次出門去到國外，我都會千方百計尋找一間郵政局把一張當地風景名勝的明信片寄回家中。這個行為，一方面為了通知家人平安，而另一方面也作為自己旅途上的記念。

在不知不覺間，現在已經蓄下不小旅遊時所寄回來的明信片了。

以前在公司的坐位背後，由於有一幅大牆壁給我把有關的明信片貼上，所以每天上班一看到貼得密密麻麻的壁報，就會滿心歡喜。但好景不常，自從因工作搬了坐位之後，再沒有大的地方把它們安置了，因此現在全部放入抽屜中，有空時才把它們拿出來懷念一番。

如果你也想要我一張明信片，那你留個地址給我罷，看看下一次出門有沒有機會送你一張。

再者，今日發現了一個為全世界旅遊人投寄明信片的網站，我剛剛也加入了；不久的將來，我也可能收到陌生人寄來的精美明信片啊。

網址：http://www.postcrossing.com/

九龍機鐵站跨境巴士

早前逛圓方，順便尋找那架傳聞的跨境巴士資料。

現同大家報導一下。

票價：九十元
班次資料：http://www.chinalink.hk/co_service_routes17.html

大大個入口位，唔會走失

售票大堂

侯車間

有蓄物櫃

操作容易兼有閉路電視

亦提供外國人入境所需的表格


還有免費經濟日報可取

下次北上坐飛機又多個交通選擇

皇彩迷奇

初初我見到呢個品牌, 都覺得好老土, 而且又怕國貨水銀含鉛量高, 所以一直都無嘗試.

後來在某次機會中看了一些報道, 才知道此品牌是一個日本女人再加上北京醫院某著名醫生一齊研究的成果. 於是我繼續尋找有關資料看了一遍, 發覺其成份及功能亦有保證, 於是買了一瓶回家一試.

現在計起也用了差不多一年, 我發覺他的美白成份唔錯, 比起其他國際品牌更加有效, 而且價錢合理, 因此我推薦比大家.