防人之心不可無

今早同細契開完會，之後被佢叫左入房，同我講左一個好好笑的問題。

佢話大契放完假後返工第一樣想做既野，就係追查我提早放工去睇醫生的資料。大契叫細契向我查詢，再報告比佢知。

細契話我有『福』了，一個極度高級的高層放完假返工之後乜都唔做，第一件事就是去考究一個小小職員的健康問題。

好彩我之前一早已經有準備，亦做足晒所有功夫，所以對我來說無難度比大契嚴懲考問。而且細契亦問明事理，所以無乜比臉色我睇。不過佢好唔服氣大契身為高層，有正經公事唔去做，成日做埋D婆仔所為。

而且細契亦都講大契比任何人也其身不正，側側膊成日遲到早退無人管。(呢D事件個個都知！鬼咩，大契級數高，只有大總職位高過大契，可惜兩個不是坐埋同一層樓，所以大契的劣行不容易比大總發覺，因此細的無人可以出聲，大的又不知不覺，做成大契時常可以偷到雞)。最後細契還叮嚀我小心這個『小人』。

哈哈，我在此處做事多年，有什麼沒看過，是人是鬼，我一眼就睇得出來，如果唔係，都唔會有命留到今天。…. (苦笑)