回歸 - 十年回顧

回歸都過左成個月，不過都想寫下呢十年自己發生過既事。

一九九七年

- 香港回歸假期，去左澳洲遊樂，點知在墨爾本某處比人罵點解香港回歸禁大件事都唔留係香港。我心諗，呢類既定既事實，留唔留下來對中國或香港都無乜野影響，點解唔趁有假期自己出外開心下呢?

- 在澳洲昆士蘭大堡焦一嘗潛水之後，一試難忘，所以同年回港後就走去上堂學潛水。

一九九八年

- 見証及完成香港十大之一既工程，好榮幸，亦好開心。

- 公司打完齋唔要和尚，幫佢完成左個大工程之後，唔洗一個星期，就收到辭退通知書。雖然勁唔開心，當初比佢騙左入黎打工，但好彩佢既辭退補償算唔錯，所以從當日起，極度積極搵工。

- 接近年底及就黎到達辭退之日，發左超過過百封求職信，可惜十之八九都石沈大海，心情十分失望。 現在唯有收拾心情，等過完年後再作打算。

- 柳暗花明又一村，本來還有一個星期就被公司成功炒魷魚(辭退)，點知忽然收到人事部電話，話公司另一部門想我過檔幫手數月，問我有無興趣。當時年迎歲晚，又無工在手，當然答應過檔，不過辭退要跟人事部再相量。

一九九九年

- 傳頭就去左另外一個部門上班，雖然只係臨時要人幫手三個月，但有工做都不計較。

- 三個月後又再三個月，仍然在此公司另一部門上班。

- 三個月後又再三個月再加六個月，今次續約做到年底，人事部改左口風，話辭退金將會由新部門支付 (唔…有緣機，麻煩了)

- 為左應付Y2K，成年無休不停工作，趁Y2K工程接近完成正在測試，而合約又就來約滿要走人之際，都係快快申請埋累積的年假，以免最後唔補償，一個仙都無得剩。

- 直到今天，仍未破在職假期的紀錄，連續放了三十三日年假，到歐洲暢遊。


二零零零年

- Y2K正式通過，公司安然無恙，飲得杯樂。

- 合約終於到期，老外外緩要歸老家，本來無主孤魂又再納入為失業大軍；幸好部總有心，把我從谷底救出，正式由合約改為長約，而我先前的辭退金就不了了之。(當無抄過?!)

- 改左合約，就跟左個新呀頭。有點兒不習慣‧‧‧‧‧算把啦，又唔係同佢做人世。做好做醜，打工啫。

二零零一年

- 今年好努力的一年，無放假又勁做野，希望掙取好表現，點知到頭來都係得個桔，個心唔舒服。

- 從來都未行過山既我，竟然話要去尼泊爾，重要去行山。個朋友睇死話我行唔到，於是在被另一個朋友放飛機之餘，又為左呢口氣，無做資料搜集之下，隻身飛左過尼泊爾玩兩個星期 (亦都係第一次一個人出發去旅行)。禁大個人第一次行山，重要行到三千幾米，真係好甘，而呢個經驗亦都最難忘。

- 係屋企睇睇下電視， 無啦啦見到現場直播美國九一一恐嚇襲擊時間。 由第一架飛機撞落世貿中心， 再見第二架飛機撞入大廈內， 之後成幢大樓倒塌。 呢個情景， 事發多年仍然歷歷在目。

二零零二年

- 對工作死心，於是鍾情遊樂。今年破紀錄，一年有五分之一既時間唔係香港，去左兩長三短的假期。其中包括有菲律賓，泰國，越南，柬埔寨‧‧‧‧‧(重有去左邊唔記得左，要返去查下先 :-P)


二零零三年

- 我最愛的離我而去，傷心加上傷心‧‧‧‧‧。

- 部頭老細(舊小總)被兩個部頭欺負多時，最後辭職，換來現在的討厭小家小總!

- 小總到來之後大攪革命，於是小部門重新改組，我要上新職。

二零零四年

- 沙士侵港之年，香港第一次宣佈為疫埠。

- 由於沙士，百物蕭條，公司生意一落千丈，並提出停薪留職方案，批准員工放假半年至一年。呢個條款，從來未係公司出現過。

- 亦由於沙士，留在香港困得我發荒，因此打算放假去旅行，點知被兩個門派指責。一個話你唔怕死呀，世界禁亂禁多病菌，你仍然夠膽出國。另一個就話我 (可能)係疫人，帶D病菌出去感染人。

- 最後仍然起行，前往雲南。

- 在雲南認識了三個莫逆之交，他們來自北京及廣州，全是疫埠之人。在路途上遇上，一起走過我們的路。

- 在旅途上經歷了前所未有的難忘經歷! 你體驗過麗江古城封城嗎?! 和便衣/公保玩捉迷藏。哈哈哈

- 提起精神，將多年沒有參與潛水的活動再次燃起熱情，投入水中。

- 點知就係呢個決定，令我在年尾遇上大災難，差點兒去了陰間。

二零零五年

- 陰影仍然未消除，年頭預訂好的旅程全部取消。

- 小總改了一次革命都唔夠，一年後又要做多場大龍鳳。呢場大龍鳳，我又再改職位，還越做越唔開心。

- 接近年尾，嘗試消除陰影，去到帛流跳入水中，衝破障礙。

二零零六年

- 多次嘗試爭取改職位，點知講左都無用，從此我用三十六政策。

- 仍然吃喝玩樂，隨心而去想去既地方。

二零零七年

- 剛過新年旅遊後回港，收到好友離去的消息。

- 又破自己紀錄，一年內去了同一個地點旅行三次。

- 其他既野仍未發生，記起再加上。


~~~~~~~~~~~~~~~~~~~~~~~~~~~~~~~~~~~~~~~~~~~

啍，禁就過左十年喇。