赤徑

星期日，本來想參加阿隨既附屬行山團。怎知當我一見到M君，我就心知不妙。因為M君一身的造型服裝，完全不適合行山裝備的要求。雖然佢話有行山的經驗，但是次數不多，今次既外觀測試，我已經給M君肥佬(不合格)，那我又點會放心帶M君一齊去行一條三星級的山線呢。

因此衡量過利害，都係唔可以跟阿隨線，於是帶M君去買食糧及飲用水，就決定帶M君行一條新手都可行兼比較容易的山線，那就是麥理治徑二段既赤徑。

在西貢坐94巴士到北潭凹赤徑起步，就開始了今日的旅程。

M君在初段不過不失，但係行路時間比較長時，就會聽到佢比較急速既呼吸聲。沒辦法，常常沒做運動的人去行山，好多時都會唔夠氣，佢係一個例子。

由赤徑去到蚺蛇凹，M君已經上氣唔接下氣，休息了數分鐘，我就問M君想行難的(上蚺蛇尖)或是易的(咸田)，M君話比我聽想行易的，但我同M君講，行左落去就會沿路上返黎，中途無交通工具，如果咸田有船去黃石，又另作別論。M君看樣子好像不想沿路回程，但我話落左沙漠再繼續走，就要再加三個小時，M君聽到之後就不斷話要坐船。真係比佢吹漲。

行出咸田的路不太難走，中午就到達，在咸田灣拍拍照，欣賞風景之餘，又食埋個午餐。不過行去咸田橋時，我故意在橋上追著M君跳來跳去，驚得M君腳軟之餘又瓜瓜叫，我聽見就好開心。笑到我哈哈哈。 (^0^)Y


咸田士多 + 蚺蛇尖



咸田灣


借完咸田灣士多個厠所，睇見今日真係無船去黃石，我提議沿路回程時，M君又不願意，想由另一條新路回程。

我義正詞嚴話如果由沿路回程，最少要行多三小時，而且有上坡，所以我都擔心M君可唔可以支持下去。

點知M君死口說話無問題，好啦，又睇下你支唔支持得住先。

由咸田去西灣再上吹筒坳，M君已經比出發之時行慢了很多，不過仍然沒有放棄。

西灣

上到吹筒坳，M君已經急不及待問我幾時去到邊處有巴士搭回家。我睇過地圖，就決定由吹筒坳上山路去吹風坳，雖然行上山路雖然有少許辛苦，但是攀升高度不太高，相對比行下路會快一點到達吹筒坳。

見有人上山去，我和M君又跟著一齊上山，多d人行又多個照應。

話禁快行左半小時左右就到左吹風坳個亭，M君又問我有巴士搭未，我望一望，見到個白牌車站去西貢的發車時間，要在半個多小時之後才有車，因此我問M君意見，M君無所謂的話慢慢行出去北潭涌都得。

點知我倆行了不出五步，一架白牌車就向著我們駛入來，距離下班發車時間還有三十分鐘，不知此班車會否提早開出。

我行埋出車龍處一問，呢架車真係唔會等到準時先發車，只要上滿人就會即刻開車。

二話不說我倆就上左車，等左唔洗十分鐘就齊人出發。

架白牌車在彎彎曲曲的北潭路上直奔西貢，不用十五分鐘就到達西貢市中心。

之後我同M君食埋個下午茶，再坐車回九龍市中心回家去，結束今日既行程。

不過在白牌車及巴士上，M君已經累得倒頭大睡 (-_-)Zzzzzz

下午菜 : 凍檸茶 + 日式雞扒烏冬

在途中遇見一隻顏色好鮮艷的蜻蜓

是日行程

10:10 西貢北潭涌管理處 – 赤徑
12:10 咸田灣
12:35 咸田灣 – 西灣 – 吹筒坳
13:20 吹筒坳 - 吹風坳
13:55 吹風坳亭
14:00吹風坳亭 – 西灣路 (白牌車)
14:13 西貢市中心