火山爆發

號外！

今日細契同同事AN君好似開完會返黎，就『慶沖沖』返入房。

點知一入到房，就開始不停又鬧又問同事AN君知唔知做乜？！

我聽唔到同事AN君有無答細契問題，只聽到細契又再大聲質問同事AN君知唔知做乜？！

之後細契發老脾叫關門，同事AN君關上門後。細契變本加厲在房內越鬧越大聲，真係乜面都唔留個餘地比人禁款，火山爆完又爆。坐在房外方圓十多二十呎都感到房內震撼。不過人人都屏息以待，看看有有什麼進展。

及後細契發完老脾，同事AN君走出房外，我見同事AN君一個無奈的樣子回坐位繼續工作。

過了一會兒，我聽到細契就在房內自言自語說『駁咀駁舌』。

老實講，比細契捉著來罵的人，邊個夠膽向細契『駁咀駁舌』丫。你係上司，我地係職員，又無權又無勢，同你『駁咀駁舌』即刻想當時死得更『轟烈』。

而且『駁咀駁舌』舌只可用來形容細契對大契的表現，其他人就絕對不適用呢個字眼。

我想講返句：
同事AN君絕對是好人一名，因為佢性格內向，平常很小說話，對人亦沒有居心，工作亦用心，可以稱得上是一個九十分以上的好員工。

有時我會覺得細契的過激行動，只會對下屬做成負面影響，亦不能留著員工對細契的尊敬。以AN君的學歷及經驗，再市場上絕對是一個有利條件，找一份新的工作絕非難事。

難道細契想眾叛親離，下層全部起義辭職，得細契獨君作戰嗎?

係起義就好喇，我一定加入行動支持。



追加：今次我都睇唔過眼，細契越來越越自大，所以要即時加寫號外。